43歲前「TVB御用惡人」曾奪台慶100萬大獎！離巢後天未光開工日做12小時終獲認同
發佈時間：11:00 2025-02-27 HKT
43歲「TVB御用惡人」李嘉入行25年演過不少惡人角色，6歲開始習武他同時是武術顧問。他1999年加盟TVB，2022年結束與TVB的21年賓主關係，期間他轉到香港電視兩年。自問沒有得獎命的他，繼2016年在台慶贏得總值100萬的大獎後，昨日（26日）李嘉又得奪獎，獲頒發安全模範員工獎項。
李嘉獲頒安全模範員工獎
李嘉與現任內地太太結婚3年多，兩人育有3個多月大囡囡Oliva，李嘉為了養家在香港國際機場任職無人駕駛車操作員，他默默在機場工作近兩年，終於獲機管局及公司讚揚，獲頒安全模範員工獎項。
相關閱讀：「TVB御用惡人」抱2個月大B女耍劍 無懼危險動作牙煙：呢啲係家常便飯
李嘉開心奪安全模範員工獎項：
李嘉清晨5點開始檢查無人車
李嘉向《星島頭條》表示，他從獲得提名到得獎，感到萬分驚喜，他開心地說：「因為都冇諗過，原來喺機場做嘢，做番自己本分，安安全全咁樣，原來都會有獎攞啦！好開心啦！」李嘉又指機場講求效率，同時要求安全性，他日做12小時，對工作非常之認真，「唔好一味做嘢貪快，罔顧安全，安全真係好緊要，喺我哋工作範圍，雖然我哋係無人車，但係每個操作員對於每一架無人車嘅安全性都係做足，我每朝早天都未光，5點鐘就檢查無人車，儘量保證佢嘅安全性，咁可能努力都得到機管局同埋自己公司嘅認同。」
相關閱讀：「TVB御用惡人」李嘉榮升爸爸！與內地索爆嬌妻結婚3年 離巢後轉行到機場工作
李嘉《一舞傾城》惡人照：
李嘉對自己要求高
李嘉直言自己工作多年，不論在影視界工作或者練功，對自己都很有要求都會儘量做好，「好難話做到最好嘅，喺能力範圍內都希望每件事都做到比較好一啲，而家喺機場做嘢，我都係抱住呢個態度去做，所以可能公司嗰邊都覺得OK提名我去得到呢個『安全模範員工獎』。我自己攞獎都係幾年前好彩喺台慶贏到100萬，我已經覺得『嘩！好開心！』而今次呢個獎唔係靠運氣，真係差唔多兩年喺機場做嘢，慢慢靠自己嘅努力，得到認同，都另外一種開心。」
相關閱讀：吳家樂機場捕獲前TVB御用惡人！近年娶內地索妻常放閃 曾做輔警、保鑣仲開武館
3個幾月大囡囡開始認人
至於談到囡囡Oliva方面，他甜滋滋說：「囡囡都3個月大，睇見佢真係大咗好多，由單手可以抱到練功，到而家抱住佢練功有困難，重咗好多，而家有13斤（約14.33磅），同埋感覺到佢啲眼神同你有交流，認得到邊個係爸爸，邊個係媽媽，聽聲都認到，睇住佢咁樣成長都好開心，有時返工雖然好攰，但係一返屋企見到個女同老婆，乜嘢疲勞都冇晒，成個人都好開心，好幸福！」
相關閱讀：金牌惡人移居中山吸金力驚人 商演月入有六位數字 生活寫意近年愛「揸飛機」
李嘉99年加入TVB動作特技演員訓練班
李嘉在1999年加入TVB動作特技演員訓練班，畢業後擔任龍虎武師，曾拍過不少劇集如《城寨英雄》、《大帥哥》、《飛虎》、《失億廿四小時》、《巾幗梟雄之義海豪情》等，被網民封為「功夫狂人」。李嘉在《一舞傾城》劇中，強暴由蔡潔飾演的夜總會王牌舞小姐Monica，他大膽的強吻、扯爛絲襪、摸大髀鏡頭，播出後掀起不少網民熱議。
相關閱讀：前TVB「御用惡人」李鴻杰近照有回春感？竟是舞蹈高手 曾為張國榮陳百強排舞
李嘉曾當韓星崔始源保鑣
李嘉在2007至2008年，為了維持生計，曾任輔警及私人保鑣，亦曾為荷里活巨星做保鑣，不過他本人表示：「盡可能不使用武力去解決問題，懂得臨場應對較為重要。」他早年亦被發現於機場為韓國男團Super Junior成員崔始源護駕開路，當時崔始源來港，大會安排保鑣開路，李嘉就是其中一位保鑣。當時崔始源在機場現身前後不足15分鐘，因此有人十分好奇保鑣薪酬，惟李嘉拒絕透露，只表示：「好搵過做藝員」。
