56歲大隻視帝自爆有「不治之症」 一部位在床上長期變硬 靠做一事紓緩
發佈時間：11:35 2025-02-27 HKT
56歲視帝馬德鐘一向身形健碩，23歲入行做模特兒前曾任職警察，做過G4特警，近年馬德鐘積極經營社交平台，曾於其YouTube頻道大談自己當年執勤時要獨自在荒山野嶺看守屍體的見聞。近日馬德鐘又再拍片，今次則是自爆原來有遺傳病，一個部位經常變硬，卻一直找不出原因。
馬德鐘背脊常難以郁動
馬德鐘以「我的長期疾病」為題拍片，分享自己患病經歷，他透露一向是運動健將，青少年時期經常打排球、游泳和玩田徑，直到20歲左右開始經常腰痛，他說：「瞓覺嘅時候成個腰，如果我保持姿勢唔郁嘅時候，好短時間背脊就會硬晒郁唔到，要咁樣撳住佢轉身先起得返身，慢慢連企起身都痛嘅，要等佢10分鐘，咁紓緩到可以郁得返，但係當你一長時間唔郁呢，佢又係硬咗嘅。」馬德鐘指醫生最初都認為只是運動勞損，只給他止痛藥。
相關閲讀：56歲馬德鐘晒型爆親子照 凍齡外貌完勝兒子 馬在驤臉上一特徵惹網民熱討
馬德鐘一部位經常變硬？
馬德鐘患遺傳性強直性脊椎炎
直至20多30歲時，情況變得嚴重，馬德鐘甚至呼吸時胸椎位置也會很痛，終於決定去醫院檢查，幸好有位有相關治療經驗的醫生，建議他去檢查「B27基因」，診斷他可能是遺傳性的強直性脊椎炎，指這基因會增加發炎性疾病的風險。馬德鐘經檢查後，發現真的患上這種病，骨骼很多位置已融在一起，本應骨與骨之間有虛位可以郁動，但這個病卻令他的骨骼關節融合在一起，失去活動能力。
馬德鐘解釋：「因為你有呢個基因，令到你身體入面自身嘅抵抗能力發生錯誤，本應佢係保護你，反而佢覺得你嘅關節有啲外來物去侵襲你，佢就去咗保護呢個關節，但係當我關節根本冇嘢侵襲我，只不過係佢嗰個訊息錯亂，變咗佢係攻擊緊我唔同嘅關節，每一次都喺唔同地方出現，腰呀、手呀、膊頭呀、或者係腳呀，佢攻擊你嘅關節，令你關節久而久之失去咗活動能力。」他指出當時醫生透露這疾病無法根治，只能等年齡漸長，約50歲就不會再惡化。
相關閲讀：56歲不老男神甜蜜告白冧索妻 凍齡老婆黑色開衩晚裝散發高貴氣質
馬德鐘有個外籍準新抱？
馬德鐘靠食素減少炎症
然而，馬德鐘卻不同意，因為直到現在仍經常復發，但自食素後已減少出現，拍片是希望大家有類似病徵可盡早發現，知道有辦法制止。他指出以往無肉不歡愛飲酒，到堅持食素後，炎症發作次數已大大減少，飲食習慣也可影響炎症經常出現。除了飲食方面，現今已有方法紓緩，可以打生物製劑保護病人關節，他說：「如果我哋唔去保護佢，佢繼續不停攻擊你嘅關節，譬如攻擊我呢個手嘅關節，攻擊得多可能會硬化咗，或者新增咗啲骨出嚟，令你長期都唔會拗得返直，所以未算好攻擊你關節嘅情況之下，如果打生物製劑保護咗佢，就避免佢去強力攻擊你嘅關節，令到有啲不可逆轉嘅情況發生。」
馬德鐘說以前在G4特警訓練時經常都病發，沒有撞傷卻非常疼痛，背部僵硬無法郁動，卻被誤會詐病，他說：「後尾Check到有呢個基因突變喺度就知道係咩事，點解跑跑吓步，突然間哎呀，我又冇扭親喎，點解突然間好痛，痛到郁唔到，或者瞓咗嘅時候起唔到身。我試過曾經喺屋企瞓覺，瞓咗之後一醒，係完全落唔到床，成個背脊硬咗郁唔到，最終要叫十字車去醫院。」
相關閱讀：56歲視帝揭當警員恐怖經歷！年初二荒山處理腐屍 難忘搓軟屍體一部位
