43歲唐寧盡搣稚氣髮色惹熱議 親解白髮之謎：有人覺得我好老
發佈時間：23:00 2025-02-27 HKT
5歲入行、童星出身的唐寧，不經不覺已經43歲，她一張亮麗的娃娃臉令人印象深刻。不過今年她一改以往童顏柔弱氣質，本月初貼出Man爆的健身照片，手瓜起𦟌，與以往形象各走極端。而最近唐寧更以一頭白髮示人，原來她為了一原因把頭髮漂白。
唐寧親身拆解白髮之謎
唐寧昨日（27日）在小紅書以「唐寧的白髮之謎」為題發帖，她寫道：「謝謝大家的關心，今天讓我來揭秘這個［白髮之謎］。」並hashtag標註#甜妹 #女性成長。
相關閱讀：43歲唐寧素顏粗獷Man到爆 徹底搣甩童顏 網民大叫唔認得
唐寧拍片解釋白髮之謎：
唐寧刻意把頭髮染淺
影片可見，一頭白髮的唐寧滔滔不絕解釋白髮之謎，她說：「我估唔到，原來有啲人對我頭髮嘅顏色都幾好奇，好！我今日就解釋下喇！第一，我啲頭髮係去染先變成咁嘅色，唔係真係已經滿頭白髮。第二，我又覺得人生在世咩都試下，咪試下染淺色啲囉！」
相關閱讀：唐寧親密關係大公開！情侶裝燭光晚餐互稱老公老婆 失婚後移民感情事受關注
唐寧10歲已出白頭髮
唐寧透露自己10歲的時候，開始出現白頭髮，「呢個係遺傳嘅，我爸爸40幾歲已經近乎全頭白髮，佢以前都係一直染，染到咁上下佢就唔染由佢白啦！」唐寧更在早幾年發現白頭髮已經蔓延到全頭，有些灰灰白白，甚麼顏色都有，「總之唔係黑色啦！我每一次染髮，成日都好快就褪咗出嚟，見到啲白頭髮，我就覺得好煩！」
相關閱讀：唐寧「公開戀情」？突晒男友視角：I'm in love with… 離婚移居紐西蘭曾爆喊認怯懦
唐寧帶仔女移居紐西蘭：
髮型師提議唐寧把頭髮染淺
於是唐寧聽取身邊的朋友、髮型師的提議把頭髮染淺，「變咗你生白頭髮嘅時候，慢慢可以對得上色，咁我覺得呢個都可以試吓喎！咩都可以試吓！頭髮又唔係唔生嘅，又唔係唔可以再染其他色嘅，試下都無妨！」
相關閱讀：唐寧移居紐西蘭後狀態又有變化？新Look重拾巔峰再現少女味 貼男友視角照現羞澀甜笑
唐寧隨心對待自己會開心一點
唐寧估不到原來有頗多人都關注她白髮的問題，更向她作出正面及負面的批評，「有啲人可能會覺得『嘩！幾型喎！冇諗過喎！』有啲人就會話『好老啫！咩事呀點解要咁呀！』有啲就『佢真係好老喎！』」對於種種的批評，她都以一貫作風應對：「OK，anyway！無所謂！每個人都有自己嘅睇法，我覺得有時你去做一啲形象嘅改變又好，或者做一啲性格上嘅改變都好，其實你最需要交代嘅就係你自己，你自己覺得OK嘅，又唔係真係影響到人嘅，我染髮唔會影響到你，係咪先？咁就OK囉！其實真係唔需要有太多嘅顧慮，做人做到呢個年紀，隨心一啲開心一啲！」
相關閱讀：42歲唐寧移居新西蘭變身金髮女郎再做演員 月初慶祝生日子女未見身影
