港姐亞軍鄧卓殷過大禮！超巨型金頸鏈擺滿一桌流星錘龍鳳鈪全日戴唔晒

更新時間：23:37 2025-03-02 HKT
發佈時間：23:37 2025-03-02 HKT

33歲的郭子豪，去年向拍拖五年的2018年港姐亞軍暨最上鏡小姐鄧卓殷（Amber）求婚，二人現忙於籌備婚禮，早前已宣布將於今年4月25日結婚。鄧卓殷今晚（2日）更新IG，貼上過大禮的相片，寓意婚禮即將進入倒數階段！

鄧卓殷過大禮金器多到滿瀉

鄧卓殷過大禮的儀式相當震撼，數對超巨型流星錘龍鳳鈪極之搶眼，每對都極具份量，隨時「粗過條頸」，另外亦有四條大大串的金頸鏈，當中包括有豬牌頸鏈，亦有兩條非常粗大、勁有貴氣的金頸鏈飾物，此外較為小型的金器簡直是多不勝數，擺滿了一桌。另外，蔘茸海味、鮑蔘翅肚和嫁女餅及水果的數量勁多，款款都極大堆頭。

相關閱讀：33歲TVB富二代小生豪宅內貌勁有氣派客廳寬敞露台景觀環抱綠翠山巒

鄧卓殷過大禮勁大堆頭：

鄧卓殷於IG內表示：「02.03.2025 禮成，感恩過大禮終於順利完成！多謝每位親戚朋友同兄弟，送上滿滿祝福，收到晒。過程真係好得意，就好似古時嘅提親咁，每樣細節都好有意義！P.S. 琴晚Arnold緊張到瞓唔着！特別鳴謝@emperorjewellery，睇到啲金器真係「哇」出嚟！超巨型龍鳳鈪，每樣金器手工都真係好精細好立體！好壯觀！」

鄧卓殷鳴謝英皇珠寶

鄧卓殷再補充：「鳴謝@keewahbakery，超多好好味嘅嫁女餅，仲有充滿歷史嘅禮盤！幫我地特別訂製印有自己logo嘅禮盒同餅卡，送俾親朋好友特別有意義，另外亦要鳴謝@shwedding.store，有佢哋專業一條龍服務令到我哋少咗好多煩惱！呢個月每日喺屋企見到對椰子就會諗起你哋啦！當然要多謝大妗姐，咁早起身幫忙打點一切，令今日可以咁順利。」