友乜唔講得丨鄧兆尊鍾情陳彥行慨嘆因一原因錯過 被踢爆對朋友好過情人 介意另一半貪心
發佈時間：16:30 2025-03-03 HKT
阮兆祥、梅小惠、江欣燕於TVB節目《歡樂今宵》結緣，眨眼已經40載，三人早前合作節目《友乜唔講得》，昨晚（2日）播出的第六集嘉賓，邀請陳彥行、鄧兆尊做嘉賓。鄧兆尊自爆曾對陳彥行有好感，直認最怕合作床上戲。
鄧兆尊寸步不離陳彥行
梅小惠、阮兆祥與陳彥行、鄧兆尊因處境劇《皆大歡喜》成為好友，陳彥行與阮兆祥、梅小惠及江欣燕會定期舉行「媽媽會」，𠱁家中長者開心，相當有愛。談到拍攝《皆大歡喜》趣事，梅小惠撒嬌指鄧兆尊從來不會「窒」陳彥行，而且就算落canteen食飯，也對陳彥行寸步不離，照顧周到。
相關閱讀：陳彥行父親逝世行姐為亡父辦安息禮 禮堂以鮮花與天使玩偶佈置簡潔 哭成淚人貼三代同堂照悼念
《友乜唔講得》鄧兆尊與陳彥行大方談「情」：
鄧兆尊坦言當時對陳彥行有好感：「我係對你（陳彥行）有少少好感嘅，但礙於我應承咗阿爸唔可以同圈內人拍拖。」陳彥行則指與鄧兆尊Timing唔啱，亦認為與對方做朋友好過做情人：「我覺得佢對朋友好過對女朋友。」
鄧兆尊怕與陳彥行拍床戲
鄧兆尊續指當年合作最怕與陳彥行拍床上戲，皆因相關場口陳彥行通常只除剩肚兜：「最怕同佢拍床戲，好驚嘅，我永遠唔敢瞓太近。」由於二人當年的緋聞傳得鬧哄哄，有指一度分別被「肥姐」沈殿霞及「汪阿姐」汪明荃捉入房追問戀情。陳彥行說：「肥姐捉住我話，你老實同我講，你望實我對眼，你係咪同兆尊拍緊拖。」
梅小惠讚鄧兆尊有義氣
除了情史，梅小惠大爆鄧兆尊「義氣史」：「你（鄧兆尊）係視財物如糞土，我記得有次我問兆尊借車，佢二話不說借咗架靚車畀我，點知我撞咗，你知我嗰時（失戀）情緒好波動，我撞咗後打畀兆尊，佢第一句係話：『唔緊要啦，最緊要你個人有冇事。』我話：『我冇事，但我要整番架車』，（佢話）『唔使啦，由得佢啦，車係要嚟撞架嘛。』」
相關閱讀：47歲陳彥行驚傳3年前秘密誕女 多年來對外宣稱單身另一半身份成謎
鄧兆尊對陳彥行有好感：
《友乜唔講得》每集尾都有彩蛋，先問鄧兆尊：「一個月要畀幾多錢家用各位太太？」鄧兆尊拋下豪語表示，家用次次都是年結找數：「呢啲嘢一次過畀，用晒嘅再同我攞。（啲家用夠唔夠佢哋偶爾買名牌包包？）用家用買？佢哋唔會咁蠢嘅。」鄧兆尊還大方透露每位太太的家用分配，直指做得其另一半通常不會是貪心的人：「我都話喇，你（對家用）要求太高嘅，你去勞工署唔好嚟搵我喇。」陳彥行自爆上圍驚人尺寸，答案超乎想像。
梅小惠失戀獲安慰
梅小惠還大爆當年失戀後，江欣燕如何在婚禮上用「拋花球」安慰自己，並笑言由於江欣燕拋花球時已經飲醉，到最後烏龍百出。此外，節目又額外曝光阮兆祥的「超級餅印爸」，就連梅小惠也坦言自己一度撈亂二人。江欣燕也自爆當年為《娛樂插班生》向林家棟奉獻螢幕初吻時，緊張到瘋狂攬住街邊條柱練習。
