方皓玟為內地女遊客爆粗轟的士司機 出手代繳付車資：搵食唔係大X晒！
發佈時間：18:30 2025-03-04 HKT
44歲的創作女歌手方皓玟（Charmaine）昨日（3日）在IG發文鬧爆一名的士司機的卑劣行為，更嬲爆表示：「我睇你唔順！」事緣方皓玟目擊的士司機因內地女遊客沒現金支付車資，引起的士司機不滿而鬧爆乘客，最後，方皓玟睇唔過眼幫對方支付。
方皓玟IG炮轟冇品的士司機
方皓玟昨日在IG發文，她寫道：「今日幫一位內地女遊客俾咗$50的士費。原因係因為她沒帶現金喺身，個的士司機，不停鬧佢，我真係睇唔過眼，人哋已經叫緊朋友攞錢嚟俾佢，叫你等一陣，使唔使擘大喉嚨咁鬧人，香港人嘅待客之道就係咁樣嗎？希望真係只得你係咁。如果個個都係咁，呢個城市有點可悲。」
相關閱讀：方皓玟開騷露下半球：有得露係好事 感謝周國賢介紹「護喉之寶」
方皓玟發文炮轟的哥：
方皓玟斥的哥心地差
方皓玟續炮轟的士司機「心地差」：「又不是得罪你，只係遲少少畀錢。真的咁大問題嗎？我見到就扯火。最激氣嘅係，當我行過去畀錢個司機嘅時候，佢問我你係佢朋友咩？點解要幫佢？我就覺得呢個人心地真的很差。我話，我唔係佢朋友，但我睇你唔順眼。」不少網民大讚方皓玟心地善良，但亦有人持不同立場，指女遊客唔抵幫：「確實好好人但係唔可以怪司機囉（點解冇現金要坐的士呢？你有冇諗過）」、「全世界大陪份國家搭的士都係畀現金㗎啦」。對於網民的留言有讚有彈，方皓玟在數小時後再上載一張寫著「relax放鬆」的照片，並寫道：「I don't XXXXXXX care.我做咗一件我認為啱嘅事，呢個係我嘅選擇，如果你哋覺得唔啱，繼續去批評你哋繼續留言啦，我冇所謂，隨便你，我去瞓覺早唞。bye~」
方皓玟再留言還原事件
事件引起網民熱議，方皓玟亦在IG的留言區留言還原事件，「我講清楚少少當時全個過程，嗰陣我企咗喺度等車，親眼見住架的士停車，然後乘客開門，接住就 『立即』聽到的士司機好大聲係咁鬧，而位女士乘客係咁道歉，乘客亦都即刻搵方法，立刻call朋友攞現金，同時亦都聽到位女士keep住係咁道歉，亦有同司機大佬講會畀番多啲車費，但司機大佬繼續不斷係咁破口大駡。」司機的行為令方皓玟嬲到爆粗，「明白司機大佬要搵食，但個乘客係有禮貌、feel sorry，唔係嗰種無品嘅旅客，所以嗰刻嘅反應係過去幫個乘客俾咗錢了事。要搵食我明白，但無禮貌就係無禮貌，一個男人粗口夾雜咁鬧一個係咁道歉嘅女乘客，司機大佬心急，可以有好多種方法禮貌啲去處理而唔需要去到咁盡，如果全部人都係用 『搵食』 呢2個字就大X晒，可以咁無禮貌，對女仕咁無風度，少少同理心都唔能夠容許，咁香港亦都無得救。點解大家都咁鍾意去日本旅行，其中咪就係因為日本人有禮貌。香港依家經濟已經夠差，大家生活都唔容易，明白司機大哥要搵食，喺艱難嘅環境下，每人行多一步，忍一忍讓一讓，成個社會氣氛好啲，大家有飯開，就係咁簡單。」
相關閱讀：方皓玟不抗拒愛情 為演唱會操出腹肌
LV為方皓玟提早慶生：
相關閱讀：方皓玟演唱會丨5歲兒子Luca激罕撐場 方皓玟自肥請ERROR做嘉賓 讚193有自己風格
方皓玟回應連登仔單親問題
方皓玟今日更新IG，她貼片分享，「無諗過今時今日我會上連登，方皓玫個Threads都幾特別？哈哈哈！」有連登仔留言指方皓文是單親媽媽壓力大？對此，方皓玫笑說：「我壓力大？其實我覺得單親係愉快㗎！最緊要愉快，我都唔明啲人點解要攻擊我離婚，香港嚟講呢，離婚率高達七成，其實三成唔離婚一路到尾先係少數，咁嗰啲少數嘅人點解要鬧我哋呢啲多數嘅人呢？OK，Come on, Be Happy！」方皓玟又被連登仔指她買樓後失常？她又解釋說：「買樓之後失常？我未收樓所以未失常！」
有網民誤以為麥美恩影射方皓玟
又有網民問她「見過麥美欣戈個未？」其實麥美恩曾經在自己的Threads表示：「風都吹得起 食多啲嘢啦唔該」 ，有網民竟對號入座以為在影射方皓玟，因此方皓玫有懷疑地表示：「食多嘢啦唔該！咦！佢係咪講緊我？」隨後方皓玟用Cam man的電話留言，「你係咪講緊方皓玟啊？」事後麥美恩迅速回應：「唔係啊。唔係啊。唔係你啊！」而方皓玟亦表示：「麥美恩如果你講緊我，你同我單聲，我會回應你，唔使喺Threads到。」其實麥美恩是港泰混血兒鄺玲玲忠粉，經常在Threads與網民談論鄺玲玲，引起誤會後，麥美恩親自回覆方皓玟，還請求網民幫忙替她解釋，她只是同網民圍爐傾鄺玲玲與方皓玫無關。」而方皓玟亦回應有厭食症一事：「我食到隻積咁，點樣厭食症呀！一個人係咪唔可以食極都唔肥呢？我食極唔肥唔係我想㗎嘛，有家族遺傳呢家嘢，你無理由針對人哋個genes㗎！」
