楚原遺孀南紅撞樣徐小鳳 狀態與實際年齡有出入 從影逾半世紀堅持做呢件事
發佈時間：09:00 2025-03-12 HKT
60年代粵語片著名女星南紅的大導演老公楚原於2022年2月離世後，有一段時間低調生活，甚至現身公開場合，幸好最後走出喪夫陰霾，再現身粵劇慈善活動，對於相愛逾半世紀的老伴離世，南紅曾說：「佢待我非常好，起碼我哋有孫。就算咩都好，我哋兩個都80幾歲，能夠活到今日，我都替佢好慶幸。」
90歲南紅精神爽利口齒伶俐
近期南紅現身公開活動，早前曾出席《2025新光戲曲緣唱和群星樂滿院》，與當今大老倌見證及懷緬新光戲院，日前南紅為YouTube節目《星動梨園》擔任嘉賓，已經90歲的南紅全程精神爽利，口齒伶俐，與實際年齡有所出入，霎眼看來撞樣殿堂級歌手徐小鳳，不少網民留言讚南紅很真誠，實在難得。
相關閱讀：90歲楚原遺孀南紅激罕現身！真實狀態令人感慨 與謝賢胡楓一原因「唔過電」
90歲南紅真實狀態：
南紅早年拍劇愛出私伙
南紅早年曾拍過不少劇集，但原來她入行時反而主力演出粵劇：「好多年青一輩都唔知我做過粵劇，其實我係做過好多好多，嗰陣粵劇好同電影一齊做，拍完電影即刻去做粵劇，又做過好多神功戲。」談到拍電影的生涯，南紅說：「我知到角色之後，會將角色分析得好仔細，又會出私，呢樣係好緊要，因為服裝係可以轉栽培到成套戲，仲會設計性格畀個角色，所以我覺得自己每套戲都唔同樣，而唔係『南紅』。」
南紅加入電視台工作被逼放棄粵劇
直到70年代，南紅加入電視台工作，不過被逼放棄粵劇：「其實我入電視台之前，係講明會做粵劇，但係如果想請假，通常要等成個禮拜先知，人哋都埋晒班喇。」南紅多年來對粵劇相當支持，對於新一輩的演員，南紅說：「佢哋排好晒嚟做係好，但係我覺得排好晒嚟做，好多嘢係『梗』咗，變咗有時睇啲戲，好似冇咗自己嘅個性，所以我希望呢一輩嘅人可以畀啲心機做，係好艱難，但係都希望佢哋加油。」
相關閱讀：93歲「容姨」譚倩紅深居簡出罕現身 歲月留痕幸無損臉上一特徵 曾因心率不正要做手術
「容姨」譚倩紅最新近況：
90歲南紅激罕現身紅粉緋緋
近年養尊處優的南紅，身形豐腴，紅粉緋緋，說話中氣十足。談到近年生活狀況，原來她早年在花墟被人推跌，有一段時間要揸柺杖而行，目前有工人照顧日常生活，生活尚算不俗：「因為細個好想學嘢，但係冇錢，到咗而家咪周圍學，開心吓。我間中都會去朋友度唱K。」楚原離去後，南紅說：「好多人話我暴瘦，根本唔係，而家先叫啱，嗰陣太肥，個老公又鍾意食嘢，成日跟住佢，嗰陣又冇諗做乜，咪140磅，我老公唔喺度之後，的確係瘦咗，咁有兩年心情唔好咪瘦，得番120磅，後尾心情好番，咪變130磅，我覺得而家啱我，人都靚啲。」
