夏春秋離世丨夏春秋父愛滿瀉！吳君如一舉動感受有福氣 人生最大成就不在工作：係生咗個女
發佈時間：12:34 2025-03-12 HKT
有「六合彩之父」之稱的夏春秋昨晚（11日）驚傳離世，
吳君如和夏春秋的關係很好
吳君如和夏春秋的關係很好，夏春秋早年曾接受汪曼玲主持的有線節目《星級會客室》訪問，夏春秋坦承吳君如遺傳了其表演因子：「佢由細到大都好孝順，依家佢有能力，又會主動供養我哋。我覺得自己最大成就唔喺娛樂圈，而係生咗君如。」
相關閲讀：夏春秋離世享年93歲 女兒吳君如於社交網公布父親死訊：我最愛嘅老豆走咗喇
夏春秋離世丨生了女兒吳君如是最大福氣：
夏春秋近年甚少現身人前
夏春秋近年甚少現身人前，對上一次露面是2022年的中秋節，當時吳君如曾在社交平台發布影片，片中看到夏春秋和女兒吳君如並肩坐在梳化上拍片，吳君如跟夏春秋說：「今日真係好感恩」，然後夏春秋即時反問為何，吳君如表示：「因為有老竇陪我過中秋節囉，中秋節快樂。」夏春秋亦向網民表示：「中秋節快樂，大家快樂，個個快樂。」當時不少網民都指他面色紅潤，精神飽滿。
相關閱讀：吳君如父親夏春秋離世享年93歲 長年主持獲封「六合彩之父」
夏春秋人前人後對女兒讚不絕口
不少網民留言讚二人感情很好，畫面充滿了溫馨，事實上夏春秋在人前人後都對女兒讚不絕口，他曾在《星級會客室》訪問上表示談到女兒吳君如，夏春秋笑說：「佢都話係冬嬸個女唔係我個女，我覺得托賴喇，好多時一個藝人嘅成功，都係要睇天時地利人和，再加上自己嘅努力同天份，咪會容易成功。」夏春秋直言女兒在自己眼中又醜、屁股又大：「真係可以擺得一圍，就算佢初初拍電影，人哋哋睇到佢背影，成圍枱都擺得落，連死鬼黃霑都係咁樣話。」
相關閱讀：夏春秋離世｜曾因養家淡出娛樂圈 冬叔名字與黃霑有淵源：似「Don't 縮」意頭好
結果夏春秋他幫助女兒打開演藝之門：「嗰陣我喺麗的，好自然幫佢報名麗的訓練班，點知冇回音，開班都冇叫我搵，咁咪算喇，跟住三色台開咗訓練班，不過已經報晒名，嗰陣劉芳剛係主任，咪帶佢見劉芳剛，嗰陣佢係同劉嘉同一屆，但係之後我都冇再幫佢，完全一啲意見都冇，點樣受訓同實習都冇問，任由佢自己發揮。」
夏春秋覺得最大成就是生了吳君如
夏春秋還說：「我只係帶咗佢行呢條路，其他都係憑佢自己嘅努力，事實上嗰陣我都冇咁嘅能力，我嘅事業都係喺途中行緊，只有叫佢繼續去，而且佢都冇叫過我幫手，我哋兩個嘅環境同表達方式都唔同，唔使我幫手。」對於吳君如的演藝路的起跌，夏春秋坦言甚少分享，以免增加他們的負擔，相信他們會處理，但直認女兒遺傳了其表演慾的因子，更感受到自己很有福氣：「君如由細到大都好孝順，我唔會問佢賺到佢幾多錢，亦唔會要求佢畀幾多，而家佢有能力，又會主動供養我哋，呢個係佢自細都有呢個心，總之佢過時過節會封大利是畀你，夠你一年去使，我非常感到自己嘅福氣，我覺得自己最大成就唔喺娛樂圈，而係生咗個女。」
相關閱讀：夏春秋離世丨藝人貼合照悼念！「六合彩女神」有幸曾合作 加國之友林嘉華最深刻係呢件事
