伍仲衡對《中年好聲音3》念念不忘？14字回應網民召喚回歸日期 為陳曉東反擊呢件事
發佈時間：20:00 2025-03-12 HKT
51歲著名音樂人伍仲衡去年被TVB「炒魷」停任《中年好聲音3》評審，當時疑因截糊與洪心怡簽約，評審工作由陳奐仁和黃凱芹頂替擔任評審。《中年好聲音3》的20強賽目前進行得如火荼，一直人氣高企的李金凱被稱有機會成為「譚輝智2.0」。
陳曉東擔任嘉賓評審表現惹熱議
台上表現當然精采，但評審的評語同樣掀起話題。早前陳曉東獲邀擔任嘉賓評審，有網民認為陳曉東在節目中的表現過於隨意，並且缺乏對參賽者的尊重，不過亦有網民為陳曉東解話：「東東評語幾有新鮮感，唔似其他人講黎講去都係嗰幾句」。想不到伍仲衡對《中年3》依然念念不忘，在FB對陳曉東的留言作出批評。
相關閱讀：51歲伍仲衡被TVB「炒魷」後有新動向 靠一貼身物激發鬥志：成身都燃起咗
伍仲衡對《中年3》依然念念不忘？
陳曉東《中3》擔任評審成熱門話題
今次陳曉東在《中年好聲音3》擔任評審表現成為了熱門話題，節目播出後，陳曉東曾表示：這幾次我參與外援評審，我無需偏袒任何。認真告知並親身印證tvb並無做馬一說。連後台選淘汰評審們都不會事先溝通。也絕無背稿。錄影前我一個不認識也不知道他們將會演唱甚麼曲目。所有都是真實現場反應。請大家放心。個人喜好每個人可能有。人緣就那裡都是因人而異的啦，請大家可以放心。」有網民稱：「陳曉東差唔多全程對住肥媽講評語….. 大佬呀！班參賽者喺佢前面㗎….. 尊重下人哋啦！唔該」、「佢好似好興奮咁，唔夠認真囉」、「我都覺得佢用參賽者嘅演出（失誤）作為搞笑材料睇落去唔係好尊重參賽者」， 不過亦有網民力撐陳曉東：「其實陳曉東講得中晒point」、「有這樣的評判，令個節目氣氛熱鬧呀！」
伍仲衡稱已經在《中3》止步
其後伍仲衡在FB發文：「我覺得東東做得幾好喎，言之有物又有娛樂性，網上啲Hater係又鬧唔係又鬧，咁叻你去做吖！」有網民留言附和：「伍Sir講得啱呀！東東評審得唔錯。」、「東東同肥媽互動好搞笑！」、「東東算係有point。」、「我都覺得東東做得幾好，又講到重點，又有娛樂。」、「伍sir + 東東....應該好搞笑，娛樂豐富得來，又評審得有point！我like 的組合係伍sir、周sir，東東、海兒，Kalton。」期間有人問伍仲衡幾時回歸？伍仲衡亦有回覆：「多謝大家掛住我，我已經中3止步！」
相關閱讀：中年好聲音3│張佳添盛讚李金凱將成「譚輝智2.0」 黃博為鄭子誠感觸落淚
陳曉東一家幸福照：
伍仲衡再開live繼續力撐陳曉東
今日（12日）伍仲衡再開live，期間繼續力撐陳曉東，他說：「我有睇東東做評判，又喺網上到睇到好多好無聊嘅留言喺度鬧東東，我覺得佢做得幾好呀，言之有物，又有娛樂成份，令大家好輕鬆，所以我咪出咗個po，嗰啲Hater鬧乜鬼？係又鬧，唔係又鬧，有本事你哋去做呀。」伍仲衡還說：「我見好多人留言話掛住我，好多謝你哋留言，但係我已經喺27強止步，戰勝咗自己，我唔係睇晒，但係我係撐東東，唔會驚講完之後得罪人，如果你係想學嘢，就要接受批評，唔係只係得個讚。」
陳曉東亦曾表示參賽者要有自己風格
而陳曉東亦曾表示準則方面最緊要有自己風格，不要模仿歌手，要了解自己聲音長處。東東說：「好唔好都會直接講出嚟，我想幫助參賽者，以前在內地節目做過評審，當時都畀過提議周琛，覺得佢適合唱卡通片歌。」談到可有人模仿他唱歌，東東表示大多扮四大天王，當然也有粉絲模仿他唱歌，表現好神似，不過沒有鼓勵粉絲參加比賽，亦覺得現今的人變得大膽，表現慾好強，可以放膽在台上表演。
