馬清鏗「小三」五索生蛇7日頭髮近乎脫光頭皮泛紅恐怖畫面曝光罕有爆喊：半夜唞唔到氣

更新時間：13:51 2025-03-14 HKT
發佈時間：13:51 2025-03-14 HKT

34歲的網紅「五索」鍾睿心早前被《東周刊》獨家披露，是身家以百億計的66歲大生銀行主席馬清鏗的小三，兩人暗交9年，育有4名子女，事件轟動全城。但新聞爆出後，五索並沒有變得低調，反而頻頻更新社交平台。昨晚（13日）五索又再更新IG，她上載一段爆喊的自拍影片，臉上表情痛苦，她稱自己因「生蛇」而導致脫髮，更拍下頭上掉髮情況，狀甚恐怖。

五索近日一度在IG稱自己生蛇，感覺不適。她昨晚上傳一段影片令網民驚訝，從片段可見，五索頭部兩側都出現嚴重掉髮，幾乎頭髮全脫光，更可明顯看到頭皮泛紅。

五索生蛇情況逐格睇：

五索說：「我7日之前生蛇，頭兩日好似普通頭痛，係勁過普通頭痛，即係食必理痛都忍唔到嗰種，跟住之後開始越嚟越痛，我開始唞唔到氣，半夜完全唞唔到氣，全身好痛啦。」她指後來到養和醫院看病：「嗰個人就話有機會生蛇，但係你啲水泡未出嚟，所以唔知，之後返到屋企就開始煉獄咁。」她指自己要吃很多藥，吃藥後又感到胃痛，「食藥又要藥接藥，如果啲藥效過咗，就要即刻接住（食），如果唔係會即刻超痛。」

五索生蛇稱藥物能止六至七成痛

五索續指，但藥物只能止六成至七成的痛楚，「嗰種痛係好似生仔嘅痛一樣，生仔都只係生十幾個鐘，但係我係痛咗6至7日。跟住依家我最傷心嘅後遺症，我依家喊唔係個病令我喊，係我啲頭髮無晒。」五索說罷隨即掀起頭頂兩側頭髮並在鏡頭前展示，可以見到頭皮泛紅，她說：「我估佢未甩晒，越甩越多。」其後畫面出現一束掉髮，而掉髮末端則出現粒狀的東西，五索指「頭髮同啲焦每次一梳頭就係咁甩」。五索指「冇諗過自己咁後生會生蛇」、「唔知好唔好剃光個頭」，最後她呼籲觀眾：「大家記住去打蛇針。」

↓立即下載星島頭條App↓