億萬星二代擁三女友驚爆「年結」方式畀家用 買名牌包包另計：唔夠用勞工處幫到你
發佈時間：11:00 2025-03-16 HKT
57歲的鄧兆尊是億萬星二代，風流倜儻多金又多女，因為有三位女友成為城中熱話，而被稱為「現代韋小寶」。近日鄧兆尊作客老友阮兆祥、梅小惠及江欣燕主持的《友乜唔講得》（Friendship Has No Limits），日前TVB在社交平台釋出節目其中一段片段，當中鄧兆尊被問及每月家用要給多少，答案令一眾主持及嘉賓陳彥行笑翻。
鄧兆尊封「現代韋小寶」
鄧兆尊多年來有「現代韋小寶」之稱，至今未婚的她，擁有3位紅顏知己，包括「正印」Carmen、「阿二」車厘子（Cherry）及「阿三」陳小姐陪伴身邊，享盡齊人之福。而他一人擁三名女伴的事亦經常成為大眾茶餘飯後話題，就連藝人都相當感興趣。
相關閱讀：57歲鄧兆尊「四奶」現身？銅鑼灣邂逅 雙方疑似已交換電話
鄧兆尊被阮兆祥追問家用幾錢
鄧兆尊近日作客TVB節目《友乜唔講得》時，被老友兼主持阮兆祥問：「鄧兆尊一個月要畀幾多錢家用畀各位太太們？」及後梅小惠笑說：「你畀個總數得㗎喇！六位數字？」鄧兆尊回應：「其實呢就係冇一個月畀嘅，係一年畀嘅。」阮兆祥聽罷即大表驚訝說：「年結嘅？！」梅小惠聽罷亦說：「嘩！真係只有你先做到！」
鄧兆尊續說：「即係呢啲嘢最好就係年結嘅，一次過畀，你用晒嘅話再同我攞。」江欣燕隨後問：「係咪真係用到一年㗎？」鄧兆尊回答：「都用到嘅。」梅小惠再問：「咁有冇啲攞咗之後走咗去？」
相關閱讀：鄧兆尊58歲生日前夕有離奇變化！身體一狀態被質疑缺少精力 曾獲高人教做深蹲有助「運動」
鄧兆尊三奶疑似識通靈：
鄧兆尊強調三房家用價格相同
鄧兆尊說：「我都話，你要求太高嘅話，你去勞工處唔好嚟搵我。」他說罷即令全場爆笑。鄧兆尊補充，他指的是太揮霍的人：「真係勞工處幫到你！」其後江欣燕再問：「你最貴一房（人）係畀幾多錢？」鄧回答：「一樣！」梅小惠附和他說：「一樣㗎冇分㗎！所以係你哋分大細（奶）之嘛，佢冇分㗎。」
鄧兆尊續說：「第一我就真係唔係好多錢，基本開支啦，夠用就得，唔會太多。」陳彥行突然問他：「咁可唔可以買吓嗰啲所謂嘅名牌包包呢？」鄧說：「偶然可以。」梅小惠再問：「即係用家用嚟買啊？」鄧再說：「唔係，佢哋唔會咁蠢嘅！」再次令現場多位捧腹大笑。
