「傳奇港姐」嫌錢腥拒愛？自爆曾獲富商送逾3千萬豪宅兼任揀Benz 連介紹人都有6位數
發佈時間：19:00 2025-03-16 HKT
96年港姐冠軍李珊珊自從2004年拍罷有線劇便絕跡幕，其後曾傳出李珊珊患上怪病，直到2017年才承認患上驚恐症，多年煎熬亦影響她身形及容貌有大改變，經過多年努力，今年一月李珊珊終於再現人前，開設Studio創辦《 三坐山 Mount Trio》YouTube頻道，還罕有地接受傳媒訪問。
有「史上身材最好的港姐冠軍」的李珊珊，曾公開剖白患上驚恐症的經歷，指當時要入院治療，嚴重時「眼前一黑令人窒息的感覺，覺得係瀕死邊緣」，她透露發病時會心跳加快、冒冷汗、呼吸困難和肚瀉不止。日前李珊珊在商台節目上，除了回應2016年被指因腦瘤家中暈倒，要消防員破門入屋送院的報導外，更自爆曾有富豪以3000萬豪宅求愛， 及她拒絕前度求婚的因由。
相關閱讀：李珊珊揭與錢嘉樂分手原因 想將百萬后冠送往博物館做集體回憶：唔通放喺棺材咩丨獨家
李珊珊神隱多年終宣佈復出：
李珊珊首揭被富豪追求經歷
李珊珊曾稱已維持了單身三年， 但原來入行至三年前，她一直沒有停過拍拖：「呢三年就係想自己試下一個人會係點，我18歲開始就好似放題咁無停過（拍拖）。不過喺三年前就開始諗，每次好似都起承轉合之後就完，覺得唔會咁易有漣漪情況下，就唔好亂咁嚟。」當年盛傳不少富家子、富豪都喜歡追求港姐，問1996年四料港姐冠軍的李珊珊有沒有經歷過，她說：「這是我第一次講，係有被追求過，但我係要睇同嗰人夾唔夾到同有無感覺先會開始，我最衰係感覺行先，唔係我就發咗啦！」她首揭被富豪追求的經歷，「曾經有人經身邊人搵我，想我做佢女朋友，仲話真係做佢女朋友，就送層價值三千幾萬嘅樓俾我，仲叫我自己去揀架新款Benz，呢個只係開頭，嗰個介紹人都可以收二十萬落袋。」問李珊珊為何拒絕金錢誘惑，「我就係覺得好奇怪，呢啲叫男朋友咩？我嗰陣就同佢講：『如果我條命整定係有呢舊錢，我都可以係其他方法賺到，唔需要咁樣嘅！』咁就拒絕咗對方。」
李珊珊拒談曾被前度當眾求婚
李珊珊曾經有過一段廣為人知的轟烈長關係，前度錢嘉樂更在朋友起鬨下當眾向李珊珊求婚，她說：「嗰次係開玩笑，係玩唔係真，而家佢幸福我就開心，人哋有咗家庭，唔應該再講。」被問到往後的關係有沒有遇上對方提出求婚，她坦言：「曾經有啲關係講過咁樣，但我覺得我做唔到，所以唔得。」李珊珊亦分享對婚姻的看法：「我好重視承諾，所以唔好害人。因為我唔知道同對方關係可以行到幾遠，唔想衝動結婚而破壞承諾。我覺得自己感情比較豐富，我亦唔知道日後我係點，咁就唔好結婚去害人。」
李珊珊走出情緒病陰霾：
相關閱讀：李珊珊甲流併發肺炎高燒近40度入ICU 留醫13天驚聞同病大S噩耗猶有餘悸
李珊珊澄清無腦瘤
李珊珊多年來飽受情緒病困擾，連外貌都出現變化，但李珊珊今次復出，坦言已有心理準備面對Haters及批評：「我直頭覺得今次見大家係一個解脫嚟㗎，因為大家唔需要再去估，或諗以前我點樣、身形係點，今次大家見到我，呢個就係我人生階段，而家嘅李珊珊就係咁。」連日來李珊珊亦大方談及多年來的患病經過，對於2016年曾有指李珊珊於家中暈倒需消防員破門入屋，當時更傳出她腦生瘤，李珊珊在節目上重申，「我都好想澄清，第一，我無腦瘤；第二，因為我唔想整爛度門，所以每次我要打999嗰陣，幾辛苦都會先開定門等消防員嚟救我。」李珊珊承認2016年前已受驚恐症影響，只是找不着病因，「嗰陣唔知道係驚恐症，係一舊雲唔知發生咩事，但係症狀越來越頻繁，每次病發都要攤四日，食少少嘢就瀉，完全起唔到身，要醫院留院。」
李珊珊確診驚恐症如釋重負
未確診驚恐症前，李珊珊指試過遍尋名醫亦找不到病因，「腸胃、心臟科好多科都睇過，最艱難探索咗成一、兩年，之後轉介咗去精神科專科醫生，就得出答案。」被確診出驚恐症後，李珊珊坦言沒不開心，反而是釋懷，「當知道答案就好開心，因為之前尋尋覓覓、重覆又重覆咁，感覺好恐懼，當精神科醫生話我知係驚恐症，我真係如釋重負！起碼而家我每日可以正常操作，唔會令我一出門口就噴射式嘔吐。」被問及是否長期食藥影響身形，李珊珊則樂觀面對：「唔好諗啦，我一定唔係因食藥而肥，可以穩定到病情我已經好開心，其他嘢我盡力咗改善唔到，我就接受住先。我甲狀腺功能低，係好難做劇烈運動。係難受，因為係永久性，我條氣管收窄咗，但無辦法我都已經接受咗。」
