TVB「黃金綠葉」曾因海嘯捲走心血要賣樓還債 哥哥是影壇猛人竟無助星途：各有各忙就會生疏
發佈時間：22:28 2025-03-16 HKT
入行超過30年的TVB黃金配角韋家雄雖然出身於演藝家族，哥哥韋家輝是影壇名導，妹妹韋嘉華是電視台監製，不過韋家雄於91年在亞視藝訓班畢業後，演藝生涯由龍套開始，直到95年之後過檔TVB，大多數飾演的角色都離不開小失物角色，到了2015年終憑《梟雄》「麥瀚林」一角奪得「最佳男配角」，不過對星途似乎未有太大幫助。
韋家雄離開TVB一度從商
韋家雄曾在2010年離開TVB，當時他一度從商，近日韋家雄接受訪問時，他稱當時認識了製作《幻彩詠香江》的燈光設計師，二人說起將LED燈飾加入《幻彩詠香江》，於是韋家雄更開始北上同廠家傾談合作，「呢單嘢唔衰得嘅，我就問過技術工程師，我講記哂佢講嘅嘢，就同返廠家傾，咁我就變成一個好pro嘅人，原來識做戲就得，只要吹得勁，好聽，原來有生意做。」
相關閱讀：回家｜韋家輝訪故居介紹《大時代》靈感來源 與韋家雄及母親陳年合照出土
韋家雄三兄妹同屬演藝界人士：
雖然韋家雄的LED燈公司非常成功，更引起日本一間油站注意，希望韋家雄的公司幫他們更換日本所有油站的光管，韋家雄表示如果當年成功，賺得是天文數字，於是與拍檔借錢去日本福島設廠，殊不知遇到311大地震，韋家雄投資被海嘯淹沒：「原來發生咁嘅事係唔識反應，如果要我去演，觀眾一定唔收貨，呆咗，沒反應，『咁即係點呀？唉，都係食咗飯先喇』嘗試email過去或點啦，但真係好天真，網絡人哋都未恢復點會收到，隔咗一個月之後就畀人追返的供款。」韋家雄稱當時要還幾百萬，唯有將香港間屋再按給銀行，然後將內地的物業放售套現，想不到伯樂戚其義找他回巢拍《4 in Love》：「當時阿戚唔知我發生事嘅，但真係好感激佢，唔係佢堅持，我諗一定返唔到嚟。」除了戚其義外，韋家雄稱關海山及黃秋生同樣是演藝路上要感激的人。
韋氏兄弟曾合體拍TVB節目《回家》
提到韋家雄，當然不得不提哥哥韋家輝，早年韋氏兄弟曾合體拍TVB節目《回家》，當時兩人重返華富邨，兩兄弟曾不約而同地稱最尊敬及欣賞的是當年一個人湊大韋氏四兄弟姊妹的韋媽媽，二人除了大談當年韋媽媽如何堅強兼坐擁超強力氣，更大方披露韋媽媽嚴厲「教仔事件簿」，而韋媽媽教仔的好幫手，就是單位門外的長走廊，韋家輝說：「媽媽最勁一招就係罰企門口，等你覺得好羞恥。有一次我帶住啲小朋友上山，上上吓發覺唔知點返落華富邨，返嚟又係打到飛起，又係罰喺門口企。」
相關閱讀：鍾鎮濤與章小蕙34歲仔撞樣韋家雄？網民激辯基因問題 做CEO與女友頻放閃
韋氏兄弟絕密童年照：
韋家雄兄弟關係並沒有童年時緊密
雖然兩兄弟在演藝圈都闖出了自己的世界，但韋家雄曾坦言兄弟關係並沒有童年時如此緊密：「各有各忙嘅時間，而家就會生疏咗，你話由細到大其實好Friend，我同我阿哥好似街童咁周街走，反而出咗嚟做嘢其實佢哋都好忙，我又好忙，甚至我細妹都會，可能間唔時先會食餐飯。」不過兄弟情依然沒有變：「唔會可惜嘅，好多嘢喺個心中，佢如假包換真係我哥哥嘛，又冇咩仇怨，我15年攞獎佢都係第一時間發個短訊恭喜我，其實喺心中，好過永遠諗住一樣嘢，我同你係兄弟，阿哥咁出名咁叻，應該多啲一齊喇，每日同佢一齊嘅時間，阿哥你開緊套戲，有冇個角色畀我呀，反而佢仲可能仲突兀，佢可能未必創作嗰樣嘢，但又要照顧呢條友，大鑊喇，畀佢唔好，畀我可能仲唔好。」韋家雄坦言珍惜這段兄弟情，但並不需要借助他去完成自己的事業，亦未有想過三兄妹會合作。
