奪命提示丨「最強Body」劉穎鏇小背心打響頭炮！逼爆上圍彈力驚人 逆天長腿配濕身效果竟叫苦連天？
發佈時間：21:51 2025-03-17 HKT
由陳山聰、張振朗、劉佩玥、劉穎鏇（Tiffany）、丁子朗和郭柏妍主演的新劇《奪命提示》今晚（17日）首播，劇集由文偉鴻（Jazz）監製、劇集一開始即展開首宗充滿懸疑感的「女UC失蹤案件」，有「第一代最強Body」兼被譽為「TVB最正小花」的劉穎鏇（Tiffany）率先晒冷登場。
劇中綠葉的演出亦不遜色，首周搶閘出擊為觀眾帶來突破的是楊卓娜，今次她在劇中飾演神秘清潔女工，楊卓娜透露拍攝初期，由於還處於摸索階段，角色妝頭花費時間超過兩小時，演繹時刻意加了不少細節位，驚嘆遇上了「人生最難嘅戲」：「啲情緒好似唧牙膏咁要唧晒出嚟，要唧到盡，好多場都要崩潰得嚟又自然，仲要對白好長，好難呀我覺得！」
相關閱讀：奪命提示丨張振朗自認對女友呵護備至 讚劉穎鏇擁「奪命長腿」郭柏妍重看與丁子朗咀戲好尷尬
劉穎鏇Shocking Pink 小背心打響頭炮：
劉穎鏇之前憑「七彩小背心」在《隱形戰隊》中贏盡話題，今次與文偉鴻再度合作，首集再度以Shocking Pink 小背心打響頭炮，與陳山聰和謝東閔的一場對打戲，全身濕身大晒逆天長腿，視覺效果極為震撼，另一場小背心造型到酒吧查案，逼爆上圍相當養眼，散發著健康性感。不過鏡頭後劉穎鏇吃盡苦頭，事關拍攝期間正值嚴冬，故當工作人員為劉穎鏇噴水營造濕身效果時，劉穎鏇全程叫苦連天。而與陳山聰拍攝期間，劉穎鏇一度被對手所傷，在幕後花絮上，看到劉穎鏇整個手臂前臂被陳山聰剁至滿是瘀傷，陳山聰見狀亦即時拿著冰袋劉穎鏇舒緩痛楚。不過在一個凌空起飛腳鏡頭，劉穎鏇已吃盡苦頭，當她甫跳起，即被吊著的威也箍到實一實，手臂部分更一度被勒至變形；不過劉穎鏇卻未有因而喊停，反而咬緊牙關完成拍攝，直到導演嗌Cut才面露痛苦表情；但當導演表示想再來一Take時，劉穎鏇亦二話不說馬上忘記痛楚進入狀態。
劉穎鏇展示了完美蛇腰
劉穎鏇的「最強Body 3.0」亦比之前的2.0 更勝一籌，戲中她展示了完美蛇腰，還結實有致
的背肌及腹肌，劉穎鏇說：「我都覺得拍《奪命》嗰時，可能係我人生中最弗嘅。一來可能
之前拍《隱形戰隊》時操開咗，自己周不時都有跑吓步同做Workout Keep吓。我自己都期望今次可以再弗啲同紮實啲，因為我想觀眾睇落去可以唔同啲。首先飲食方面，我係由自己好似平時咁食，低糖低鹽低油嘅同時係會食番澱粉，可能營養吸收好咗，所以效果都會好啲啲。同埋《奪命》應該係我拍過咁多套劇打鬥最多嘅，變相拍嘅時候都有鍛煉住，令到我都Keep得更好。仲有如果真係遇著啲要超級露腰嘅場口，我會早兩日開始飲少啲水同食少啲澱粉。」
相關閱讀：奪命提示丨張振朗拍攝時爆眉撞走黑氣望好運帶旺劇集 劉穎鏇與陳山聰對打雙手腫大一個碼 受傷仍死頂紥住蹦帶繼續打
楊卓娜老裝登場：
與此同時，今早，無綫官方社交網釋出楊卓娜與丁子朗「對峙」場口精華片段，楊卓娜一再強調自己沒有殺人，說到激動處更拿起𠝹刀以死證清白，劇情緊湊。片段一出，網民大讚楊卓娜好戲之餘，亦大讚穿起軍裝的丁子朗外形OK。談到有網民指第一眼認不出她，楊卓娜笑言拍攝期間不少公司同事都「認佢唔到」，並謂曾試過夜媽媽收工嚇親鄰居：「因為我個妝好濃，啲頭髮又好似癲咗咁褸住個頭，真係試過嚇親鄰居。公司同事見到我都會呆一呆，覺得好surprise，好多時半夜三更break 嘅時候，好多同事都要我出聲先至認到我，可能因為我鍾意耷低個頭嚟行。」
