黃翠如蕭正楠BB已出世？劉江誤爆響口日前已經「卸貨」：大家都知道㗎
發佈時間：13:59 2025-03-20 HKT
43歲「最美孕婦」黃翠如日前與蕭正楠在IG上晒出多張夫妻合照，卸貨在即的黃翠如大方晒巨肚，分享迎接小生命的喜悅心情，蕭正楠更留言：「蕭太太最近每天都說很不捨小肚子。」
劉江誤爆黃翠如日前已經「卸貨」
黃翠如和蕭正楠原來已經榮升父母！昨晚（19日）劉江接受李珊珊的YouTube頻道「三坐山 Mount Trio」的訪問，期間提到近年成為周潤發的跑友，多年來風雨不改，一星期跑足7日，言談間誤爆黃翠如日前已經「卸貨」，《星島頭條》向黃翠如和蕭正楠求證，但未有回覆。
相關閱讀：「最美孕婦」黃翠如晒巨肚孕照！卸貨在即不捨小肚子 蕭正楠爆老婆陀B舉動好爆笑
劉江誤爆蕭正楠黃翠如榮升做爸爸媽媽：
劉江誤爆黃翠如已生B
劉江昨晚接受李珊珊的YouTube頻道「三坐山 Mount Trio」的訪問，在訪問上，劉江稱近年跟周潤發齊齊跑步，苗僑偉、戚美珍、黃日華與及黃翠如等人都有份參與，李珊珊說：「佢唔係大肚咩？」劉江就說：「生咗喇（李：你可能爆咗嘢出嚟）而家大家都知生咗，（李：剩係知佢有個肚，唔知佢生咗，幾時生㗎？）生咗喇，噚日、前日。」
劉江拒談黃翠如BB性別
李珊珊一臉尷尬地說：「你爆咗嘢出嚟。」劉江再說：「係咩，唔係爆，大家都知道㗎。（李：真定假，我上新聞未見到，我日日24時都拎住個電話）係咩，生咗。」李珊珊一度拎手上的紙遮面並笑住打圓場：「咁恭喜佢喇，祝福。」劉江似乎意識出現問題並說：「恭喜佢，我又冇講到係男定女， （李：講埋仲好），咁又唔講得。」李珊珊續說：「唔緊要，劉老師，冇心㗎，呢啲開心事，值得分享。」
相關閱讀：黃翠如自誇湊B不會雞手鴨腳 腹中寶寶頭大未決定分娩方式 與蕭正楠上育嬰班望對方不會遴迍搞破壞
黃翠如公開懷孕喜訊：
黃翠如宣布懷孕後未有談及預產期
自從宣布懷孕後，黃翠如一直未有談及預產期，只透露蛇年，幾時可以講BB性別則有待長輩安排，並謂農曆年停工待產，屆時可以放蹤任吃。至於參加育嬰班，黃翠如表示會與老公上堂，老公肯定雞手鴨腳，她無問題，因為有照顧兩位妹妹經驗，換片及清潔等也懂做，不過蕭正楠近期已經開始頻頻準備BB用品，早前埋頭拼裝嬰兒車，砌好後二人一起測試嬰兒車的各種功能與模式，準備做爸爸媽媽的喜悅之情顯而易見。
