東張西望丨老婦因病大婆變二奶 洞房之夜被嫌醜遭拋棄 等半世紀得名份突然被離婚？
發佈時間：21:30 2025-03-20 HKT
今晚（20日）播出的TVB節目《東張西望》報導，83歲的何太20歲時，經父母安排坐大紅花轎嫁入何家，卻因外貌被老公嫌棄。其後何生北上再娶妻，直至何生的內地妻子離世後，何太與何生在香港註冊。豈料何太指，最近被何生與亡妻的子女，單方面為何生申請離婚，何太「報東張」哭訴。
何太因病影響容貌被老公嫌棄
83歲的何太在63年前聽從父母之意，與何生結婚擺酒，但何生首次見到何太的容貌，就覺得不似預期，更拒絕洞房。何太憶起當年細節更眼濕濕，她說：「我先生以前唔滿意我，佢話唔鍾意，唔靚呀嘛！」何太透露她當年因甲狀腺問題，面容臃腫、頸粗、眼凸，「我身體唔好，佢又唔舒服，所以冇洞房，拜咗堂都冇洞房。我唔知佢咩病，心病囉！佢見到個老婆咁醜樣咪有病囉！」
相關閱讀：天水圍2男1女丨天逸邨活春宮男女被指染毒兩年 友人接受《東張》訪問：爭住食，有時大打出手
何太因醜樣被老公嫌棄大婆慘變二奶？
何生拋棄何太北上再娶妻
何太透露，婚後何生多次向父母提出要再娶，何太表示：「話我醜樣冇問題，佢話要搵第二個我先激氣。佢話要搵第二個，咁我咪要離開佢囉！我唔會逗留喺嗰度，唔想留低……好多人醜樣都做到夫妻啦……咁佢話要搵第二個，咁我都冇問題，係我自己醜樣，我都由佢囉，但佢做得好絕，完全唔念夫妻情，冇返嚟，好似唔記得咗（有老婆）。」何太離開何家後，外出工作兼求醫，而何生亦北上再娶，與一名內地女子正式註冊結婚，並先後生了7名子女。
相關閱讀：東張西望︱少女被邀上家灌酒後被非禮摸胸 涉事男同學自爆有呢個結果：不要再製造二次傷害
何生與何太再續前緣
何生與何太分開8年之後，突然找回何太，由於當時何太病情已穩定，容貌亦有改變，二人再續前緣，何太更為何生誕下一名女兒。不過「正印」得悉他們關係後，逼何生與何太斷絕來往，更指控何生犯重婚罪，何太稱因不想何生坐牢，最終都決定放手。本來以為何生念在二人有個女兒，會回來看看女兒，豈料何生多年來都不理會女兒，何太一度非常氣憤：「我直情話你等天收。」直至何生的內地妻離世，2014年何生再與何太接觸，何太稱因不想女兒一輩子被指是私生女，於是提出結婚求一個名份，何太等了半世紀，終於在2016年與何生在香港註冊結婚。
相關閱讀：東張西望丨六旬港婦遊韓涉偷拍被捕滯留8個月終回港！遭罰款逾6位數港幣代價沈重嘆無辜：影張相啫
何生單方面申請離婚
何太向《東張西望》指，近年她聽說老公單方面申請與她離婚，疑想在《東張西望》的拍攝做證下，聽到何生表達承認她是老婆。何生近年被子女送往老人院生活，何太不時到老人院照顧老公，日前她帶《東張西望》攝製隊找何生。過程中，何太更說出很多對老公的不滿，「佢返親嚟，大把女人打畀佢……你話喇，做夫妻嘅，見個老公咁多女人搵自己老公，煩唔煩啲呀？嗰啲女人唔係同佢做人世，只係要佢啲錢。」何生表示：「我有咩錢啫，啲錢喺晒仔女度。」更搖頭表示不會「搵女人」，他說：「我都自身難保呀！」
相關閱讀：東張西望丨六旬港婦遊韓於汗蒸幕拍照被捕真相疑曝光？ 韓媒指涉影他人裸體惹禍」
何生已簽名申請離婚：都唔知搞乜嘢
《東張西望》亦向何生求證何太的名份，何生表示身邊的何太，是他真正的太太，他表示：「對我好，又一齊飲茶，佢不嬲都話佢係我老婆嚟啦！」何太說：「但你個仔搞緊（何生何太離婚手續）……話搞緊呀，你簽晒字，簽咗就同我冇關係。」何生指：「佢（兒子）叫我簽紙，但簽咗都唔知搞乜嘢。」到底何生子女想逼爸爸與何太離婚的原因為何？便要留意明晚（21日）的《東張西望》。
相關閱讀：東張西望丨60歲老婦墮入愛情詐騙陷阱！被年輕男用一親密稱呼攻陷 亡夫500萬養老金煙消雲散
