奪命提示丨楊卓娜被監製永不錄用？因一事「觸怒」底線：成日都唔顧自己身世
發佈時間：19:00 2025-03-22 HKT
陳山聰、張振朗、劉佩玥、劉穎鏇（Tiffany）、丁子朗和郭柏妍演出的劇集《奪命提示》昨晚（21日）播映的一集，「鋸腳狂魔個案」隨著Big Boss黃子恆身亡正式落幕，「郭柏飛」陳山聰和「姜姐」劉佩玥緊接著手調查兒童院兒童離奇失蹤事件。事件起源是疑似患了夢遊的「方予安」何珀廉離奇失蹤，而涉嫌與事件有關的分別有「娟姨」楊卓娜、「奕希」鄧智堅、「御用壞人」程浩駿，與及看護曾文心，楊卓娜今次演出網民大感驚訝。
楊卓娜憶子成狂的表情認真催淚
在昨晚播出的一場平台對峙戲，楊卓娜聲稱沒有殺人，她拒絕與警察合作，丁子朗用真情打動楊卓娜，希望她可以放下成見與警察合作澄清白，楊卓娜一度將丁子朗當成已經死去的兒子來待，憶子成狂的表情，認真催淚。
相關閱讀：奪命提示丨劉穎鏇穿低胸小背心槍戰花絮曝光 張振朗險拍中女方胸部 無影手轉捉一部位
奪命提示丨楊卓娜竟被監製出PO稱永不錄用？
楊卓娜對峙戲被竟被監製稱永不錄用
楊卓娜在劇集播出初期，已經因老妝曝光而備受關注，今次楊卓娜一出場，有網民留言：「聯想唔到平時好索嘅樣」。 事實上楊卓娜的演出亦沒有令大家失望，在昨晚平台對峙的一場戲，楊卓娜為了逃避張振朗的追捕，由平台一躍而下逃走，看起來一步一驚心，監製文偉鴻（Jazz）事後在IG貼上這一幕的劇照並留言：「有一日，我同楊卓娜講：『你再係咁，我下次唔會再搵你！永不錄用！』佢做戲上嚟嗰種投入程度近乎忘我，成日都唔顧自己身世，又唔攝pad又唔帶保護，下星期一嗰集有場戲，佢失驚無神又跌落地，一入戲就進入忘我mode，好幾次話明做到跌地之前就會再接shot，跟住再鋪軟墊再唻㗎嘛！吖！你條友吖，一入戲又直做埋落去，跌到砰砰聲，大姐呀！作為監製有你呢啲演員當然開心啦！但作為多年同事，我真係驚你受傷！心痛㗎！咁惡對你都係為你好！下次唔好再嚇我嘞！我心血少呀！」
楊卓娜自認成日都好衝動
楊卓娜亦有回覆：「多謝Jazz，咁照顧我哋每一個，我成日都好衝動。」劇組為了推進劇集，為楊卓娜精心選取的拍攝角度及光暗打造，楊卓娜每個大頭都突顯了角色的神經質、閃縮、詭異及恐怖感，神情都恍如演技教科書，加上楊卓娜經常袋著一大堆朱古力奶鬼鬼祟祟，劇情又講到她之前有個叫強仔的兒子，令網民對她是否個案 Big Boss 爭辯不休：「職員甲乙丙丁，卡士竟然有卓娜和堅叔咁大卡士，呢兩個最有可疑」、「通常咁明顯嘅都唔係兇手」、「講得突破，可能娜姐真係兇手」、「會唔會同佢個仔強仔有關」。
相關閱讀：奪命提示丨「最強Body」劉穎鏇小背心打響頭炮！逼爆上圍彈力驚人 逆天長腿配濕身效果竟叫苦連天？
楊卓娜老裝登場令人驚喜：
相關閱讀：奪命提示丨劉穎鏇「最完美屈機 Body」逐格睇！「騎膊馬」谷胸上頸壓到變形 遇渣男強吻咀到見血
楊卓娜老妝遇上了「人生最難嘅戲」
楊卓娜曾表示今次飾演「娟姨」年齡約為 60 歲，為配合和凸顯角色的悲情背景，楊卓娜演繹時刻意加了不少細節位，希望令角色出來效果更蒼老，拍攝初期，由於還處於摸索階段，角色妝頭花費時間超過兩小時，楊卓娜直指今次角色無論妝容、動作及演戲均遇到很大挑戰，「每一場戲都需要很大體力」，並驚嘆遇上了「人生最難嘅戲」：「啲情緒好似唧牙膏咁要唧晒出嚟，要唧到盡，好多場都要崩潰得嚟又自然，仲要對白好長，我覺得好難呀！」楊卓娜還笑言拍攝期間不少公司同事都「認佢唔到」，試過夜媽媽收工嚇親鄰居：「因為我個妝好濃，啲頭髮又好似癲咗咁褸住個頭，真係試過嚇親鄰居。公司同事見到我都會呆一呆，覺得好surprise，好多時半夜三更break嘅時候，好多同事都要我出聲先至認到我，可能因為我鍾意耷低個頭嚟行。」
