34歲前TVB男星代表香港出戰全運會？宅男外形私下是空手道高手首參賽即奪冠

更新時間：19:00 2025-03-23 HKT
發佈時間：19:00 2025-03-23 HKT

現年35歲的吳業坤（坤哥）向來熱愛日本文化，更在2022年與日籍主播濱口愛子結婚。坤哥5年前起學習空手道，不時參加比賽，去年首參賽便奪得冠軍，成績相當好。較早前坤哥在IG表示再次在比賽中奪獎，認真可喜可賀。

吳業坤晒比賽排名證書

吳業坤較早前發佈帖文並留言說：「師傅話要攞多啲比賽經驗，就膽粗粗參加左全運會嘅選拔賽，當然未有能力贏到做香港代表，但係都好開心拎到第四名算是超額完成，比賽輸贏固然重要但尊重比賽尊重對手更加重要，今次打足4場比賽都無第一次打一場咁攰！繼續努力！」他在帖文中附上比賽「排名證書」的照片，以及運動員證，顯示坤哥參加的賽事為空手道男子公開組個人組75公斤以上的項目。

吳業坤2020年首次接觸空手道

坤哥早在2020年時首次接觸空手道，至今已學習第5年，去年他首次參加「第十三回親善空手道選手權大會」便奪得冠軍，他當時亦有在IG發文說：「今日第一次參加組手比賽拎到冠軍好開心（人生對上一次拎冠軍好似係中五既推鉛球金牌）我會繼續努力！！！！多謝師傅既愛的鞭策！今次明白左，無論幾攰都好唔好展露出黎，咬實牙關都要打埋落去直至完場，歡迎一齊變得更強大。」