中年好聲音3丨「大魔王」張與辰獲周吉佩助力「焚身似火」李金凱被肥媽警告：唔好再玩嘢

更新時間：22:17 2025-03-30 HKT
發佈時間：22:17 2025-03-30 HKT

TVB真人騷《中年好聲音3》在今晚（30日）播出的一集是「中1、2生助力賽」，分為上、下半場競賽，首7位參賽者將由《中1》生助力，其餘7位參賽者則由《中2》生助力，本輪開始加入累積排名分，會影響爭入總決賽的資格。在上半場競賽上，「女大魔王」黃博獲靚聲王羅啟豪助力的《囚鳥》，可謂驚艷一眾評審。

黃博天籟之音聽到評審打冷震

評審之一關心妍看畢後直言：「我個心仲未跳完！黃博有個天籟之音，我係一路打冷震、一路心跳加速，好好聽，真係冇得彈。」海兒評為最完美的和音演出：「層次出晒嚟，有give and take，冇人搶，好和諧。明顯耳仔有聽住大家一路去adjust，follow大家個flow，成件事先咁靚，所以兩個都係amazing。」張佳添則以美點雙輝形容兩人演出，直言聽10次、20次耳朵都不覺累：「『中1靚聲王』夾『中3靚聲王』，嘩我耳仔忙到，享受邊把聲好呢？想聽多啲你哋一齊合唱，冇得頂！」結果黃博今次獲97分，成功晉級。

黃博天籟之音聽到評審打冷震：

李金凱被肥媽警告唔好再玩嘢

「大魔王」張與辰今次獲《中1》冠軍周吉佩助力，兩人合體演繹《光輝歲月》，張與辰的ROCK友形象令人耳目一新，車婉婉笑稱張與辰似着了火一樣，周吉佩大讚張與辰：「我本來係有壓力，但係拍與辰係完全冇，因為佢真係好PRO，我哋傾完幾個鐘，佢就好快整咗一隻有齊樂器編好嘅曲畀我，所以嘢都好全面。」張佳添讚今次是二人實力的表現。周國豐比較愛前半段，張與辰整體的執行上處理不俗，結果獲得94分，同樣成功入晉級區。越戰越勇的李金凱與顏志恒齊唱《大會堂演奏廳》，二人演出獲得大讚賞，周國豐說：「你今日嘅表現唔差，但係未必去到天花格板嗰隻。」肥媽坦言：「後生係可以曳，但係呢個係比賽，唔好再玩嘢。」但係不過最後李金凱仍獲90分，成功進入晉級區。

劉曉昆與龍婷演出同樣值得關注

劉曉昆與龍婷演出的《得不到的愛情》同樣值得關注，身穿單肩連身短裙上陣的曉昆，狂扭腰展示嫵媚一面；師姐龍婷為突顯師妹曉昆女人味，反串穿男裝以中性型格造型上陣，希望給意料之外的效果予觀眾。評審們對於曉昆與龍婷演出的評語好壞參半，張佳添笑言被曉昆電暈：「呢個係騷味嘅曉昆，未見過。龍婷變小龍哥，犧牲自己女人味，等曉昆完全發揮到另一面，整體上係成功，我差啲掛住睇唔記得聽！」但肥媽卻認為曉昆欠缺sexy感，並趁機整蠱張佳添：「太多笑容，feel唔到個sexy感覺。你咁樣除咗張佳添覺得你sexy，都冇乜邊個會覺得你sexy，眼神要邪一啲。