「銀壇鐵漢」望老婆早死？結婚半世紀有兩個字絕口不提 太太驚見「肺花」險進鬼門關
發佈時間：09:00 2025-04-07 HKT
縱橫演藝圈逾70年、現年77歲的姜大衛（John哥）與76歲的前TVB花旦李琳琳是圈中的模範夫婦，兩人結婚逾半個世紀，經歷不少風雨。早前李琳琳驚爆曾因肺炎入院，差點逃不出鬼門關，姜大衛當刻真的心力交瘁：「醫院又只可以陪到夜晚，又要顧住佢中午食乜，晚飯食乜，啲仔女又去探佢，不過都唔緊要，知道佢有好轉，可以出院大家都開心。」
姜大衛李琳琳50年情不變全靠忍
日前姜大衛接受伍仲衡和周國豐的YouTube節目《週五有周伍》的訪問，表明不會唱歌的姜大衛，與二位主持傾足二個鐘，對於與李琳琳的50年夫妻關係，姜大衛說：「呢個一定係互想去改忍同包容，由初初識嘅激情同愛情，變咗而家嘅親情，唔可以冇咗對方，當然男士讓多啲，女士顧下男士嘅諗法。」姜大衛更坦言希望早死過太太。
相關閱讀：60年代花旦險進鬼門關！因肺炎緊急入院驚見「肺花」急召腫瘤科醫生：體力已經好弱
姜大衛望太太李琳琳走先：
姜大衛不知對李琳琳是否一見鍾情
在節目上，姜大衛坦言不知是否對李琳琳一見鍾情，不過曾經在街上巧遇對方，立即上前與對方打招呼，到了70年石天結婚，二人才正式交往：「嗰陣佢做伴娘，我就去飲，之後， 一齊去玩，冇耐就一齊。不過我哋拍拖一年左右，已經同居，試過為咗一件事冷戰咗一個月，跟住有一日仲執埋行李走，去咗朋友屋企住咗一個月，直到有一次喺街撞到，之後再打電話畀佢，傾吓就冇事，去到1974年咪結婚。」其後舉家移民去加拿大，李琳琳便決定退休：「嗰陣佢仲有喺嗰邊做電視，不過後來發現唔得，對啲細路唔好公平，所以決定退休照顧家庭。一講就退咗30幾年。」
姜大衛離婚呢兩個字從來都唔會講出口
姜大衛還說：「我哋當然有試過鬧交同冷戰，但係離婚呢兩個字從來都唔會講出口，連閃過都冇。我哋而家係唔可以冇咗對方，好多嘢係對方提醒。」面對生老病死，姜大衛說：「好多年我睇過一部作品，又係兩公婆，年紀大嘅人，個老公講咗一段對白，應該都係好，意思係話佢情願太太走先，因為大家年紀大，太太走先，只係老公傷心，佢唔想自己走先，太太會傷心，所以我覺得呢個男人好偉大，我都有呢啲諗法，如果佢走先，我會傷心，但係我會好快適應而家呢個世界，如果我走先，我太太就有好多嘢唔得，身體唔得，好多科技嘅嘢唔得，我雖然唔叻，但係都叻過佢。好多生活上嘅嘢，呢10幾年都係我照顧佢，如果有呢啲咁嘅事，我情願（敲敲枱指一指前方）。」
相關閱讀：姜大衛預祝李琳琳76歲生日 曹永廉子女罕現身似足外公 顏值身高成焦點
姜大衛超強演藝家族：
姜大衛稱李琳琳聽覺有好轉
姜大衛續說：「我哋而家唔諗呢啲，亦冇得諗，要活在當下。」李琳琳於2011年曾發現患上大腸癌，之後擴散至淋巴，姜大衛當時一度停工照顧愛妻，幸好經歷了兩年抗癌之路，終於康復。李琳琳今年年頭前因肺炎入院，差點逃不出鬼門關。姜大衛說：「嗰陣佢唔舒服，叫佢睇醫生，佢唔睇，叫佢食藥，捱咗10幾日先去睇，醫生話你就嚟死，好彩呢個醫生係睇開，我太太有哮喘，佢好容易有肺炎。佢舊年入咗2次醫院，呢一次係好犀利，住咗7日，連醫生都話佢爭啲死。」姜大衛笑稱現在經常在中環出現，因為要陪太太睇醫生：「而家有好消息，最近有朋友介紹佢去針灸，針咗9次左右，佢隻耳仔聽到聲喎，希望可以一直聽到。」
李琳琳自稱是一個唔係好錫身的人
李琳琳曾說過：「我係一個唔係好錫身嘅人，近呢幾年注意咗， 前排啲肺炎好勁，有啲人抵唔住都往生咗。我都唔知自己係咁嚴重，直到我去睇醫生嘅時候，醫生叫我即刻入院。第二日醫生同護士講，如果佢係第二個，就已經死咗，我先知原來係咁嚴重。」姜大衛續稱：「佢個肺嘅X光片直頭花咗，之前嗰邊都係花咗，另一邊本來冇咁犀利，但係今次都花埋，所以醫生即刻搵腫瘤科醫生，驚佢係啲唔好嘅嘢，好好彩原來唔係，係花咗，肺炎。」李琳琳稱當時由元旦日開始發病：「病到我入咗院，住咗6日，1月22日出院，但係個人體力已經好弱，肺炎好番，醫生叫我乖乖哋，唔好周圍走，推咗好多約會。」
