30歲《東張》女神驚遇家居意外因一結婚禮物流血不止家中滿布血迹保持怪異動作急赴醫院

更新時間：20:00 2025-04-10 HKT
發佈時間：20:00 2025-04-10 HKT

現年30歲《東張西望》主持「貓仔」黎寬怡（Kitty），與拍拖9年的攝影師男友阿Sing感情穩定，二人宣佈結婚並進行過大禮儀式。到今年2月黎寬怡與老公跟足中式傳統進行出門入門等婚嫁儀式，並於西環聖堂舉行天主教儀式婚禮，正式結婚。事隔2個月，黎寬怡卻因一件結婚禮物流血不止要急去醫院，更於醫院逗留超過8個鐘！

黎寬怡流血不止磁盆滿布血迹

黎寬怡昨晚於家中發生意外，事緣她使用玻璃杯子後去廚房清洗，竟不慎跣手將之打爛，不單止玻璃粉碎，還意外割傷了右手手指公。黎寬怡發生意外後更新IG限時動憑，她表示當場流血流得極急，流得廚房中的磁盆也滿布血迹，一時之間完全未能止血，所以就急急去醫院救治。

黎寬怡流血不止急赴院：

黎寬怡為止血畀Like變傻婆

因為老公不在身邊，黎寬怡找來妹妹一起前往醫院，為免傷口繼續不斷流血，黎寬怡於路上就舉起右手伸起手指公，就好像邊步行邊畀Like一樣，黎寬怡更形容自己就如執起火炬、就「更加似傻婆」，十分搞笑。

黎寬怡待醫院逾8小時

黎寬怡到翌晨再次更新限動報平安：「各位有心呀，貓仔無事！只係隻手指公流咗幾滴血仔，不過頭頭流得有啲急，一時之間唔係好止到....再加埋驚入邊有殘餘玻璃碎，所以同細妹飛咗出廣華睇急症。醫院睇咗話傷口好淺啫，又照咗X光護士話睇唔到有面有嘢....所以打咗支破傷風劑就走得。因為係好小事，屬次等級（第四類）輪候，所以由凌晨12點等到今朝8點先洗傷口。已經順利止咗血，只是有小血點的輕微滲。」