中年好聲音3丨「校長」譚詠麟愛將被殿堂級歌手點評 獻唱經典歌加插呢件事：呢隻歌未必啱你
發佈時間：13:20 2025-04-11 HKT
TVB真人騷《中年好聲音3》在周日（13日）播出的一集，主題是「林子祥金曲之夜」，12強參賽者自行揀選林子祥歌曲參賽，今屆有不少參賽者越戰越勇，距離決賽僅剩一個月，賽情進入白熱化階段，日前網上瘋傳頂頭大熱黃博得到99分的截圖，原來今次除了黃博外，本輪共有6位參賽者獲得9字頭亮麗成績。
趙浚承選唱《最愛是誰》被林子祥點評
前男團「Square」的成員趙浚承（Gary）今次選唱《最愛是誰》，他加插了吹口哨環節，不但遭原唱林子祥點評好大膽，還直指「呢隻歌未必啱你」，評審之一的張佳添亦批其「口哨演奏」破壞了氣氛。
相關閱讀：中年好聲音3丨頂頭大熱黃博演出幾近滿分截圖瘋傳！殿堂級歌手登場指定要合唱
趙浚承被林子祥點評好大膽？
趙浚承一度得到不少網民關注
趙浚承在上一回獲《中2》冠軍古淖文助力合唱《酷愛》，演出過後一度得到不少網民關注，有人覺得「處理相當出色和型仔」，趙浚承亦曾說：「每一次到比賽既舞台，我都希望將最好表現到比所有既觀眾欣賞，最緊要唔想令大家失望，你哋又鍾唔鍾意？要多謝晒樂隊嘅配合亦要多謝古淖文嘅助力。」其後再有人留言：「我覺得你喺前晚嗰集嘅表現已經好好，尤其係你假音轉換嗰part真係好正。」、「我從來冇睇呢個節目，但見到你咁努力走到而家，我破例淨係睇你，撐！」
趙浚承曾被「校長」譚詠麟點名提攜
「Square」在2011年宣布解散後，趙浚承曾以個人身份再戰樂壇，他一度秘密操肌轉走韓國Oppa路線，又曾被「校長」譚詠麟點名提攜和合唱，不過星途仍然未見太大起色。其後趙浚承北上發展，趙浚承不時在譚詠麟身邊出現，試過為《銀河歲月40載》演唱會擔任常任嘉賓，又加入了明星足球隊，經常隨隊在國內比賽，藉此提升知名度。去年在龍婷推薦下「回歸」香港，參加《中年好聲音3》。趙浚承在北京定居後，與北京女友結婚並育有一子，只要有工作就會回來香港。
相關閱讀：中年好聲音3丨「抗癌戰士」任永健14強止步！因一事被網民戥不值 錯過兒子成長慘被當陌生人
殿堂級歌手周日登場：
相關閱讀：中年好聲音3丨支嚳儀助唱變「阻唱」？王鄭浚仁黑面跌入危機區 網民留言惹爭議：自己唱好過
曹越《活色生香》才藝大晒冷
本輪多個演出同為耀眼，當中曹越可謂才藝大晒冷，穿著大露背裝、口咬玫瑰花登場，並邊跳 flamenco dance（佛蘭明高舞）邊獻唱《活色生香》，演出令人眼前一亮。不過講到最搶 Fo，必定是其超結實背肌，連車婉婉也被驚嘆：「健身教練真係唔同啲，個背肌好似同我 say hello 咁！」林子祥對於曹越的演出大讚：「真係上晒身，好落力，又跳又唱，我唱呢隻歌都唔會做到咁樣。」張佳添則認為曹越表現未夠放：「你把聲線未夠 sexy，硬咗少少。」肥媽聞言即幫忙「解畫」：「佢哋講嘅你未必明，我講你就會好明，你唱呢隻歌唔夠姣，你兩個麻甩佬就係想講呢個意思咋嘛！」海兒表示認同後，隨即被肥媽叫示範。
