90年代「傳奇女星」驚爆慘痛經歷 被變態男伸出X頭非禮：嚇到魂魄唔齊
發佈時間：18:37 2025-04-11 HKT
有「史上身材最好的港姐冠軍」的李珊珊，自從2004年拍罷有線劇便絕跡幕，其後曾傳出李珊珊患上怪病，直到2017年才承認患上驚恐症，嚴重時「眼前一黑令人窒息的感覺，覺得係瀕死邊緣」，經過多年努力，今年年初李珊珊終於再現人，雖然多年煎熬令身形及容貌有大改變，不過李珊珊坦言如釋重負：「起碼而家我每日可以正常操作！」
珊珊自爆曾被非禮經歷
目前李珊珊進駐開設Studio創辦《 三坐山 Mount Trio》YouTube頻道，日前找來傅穎（Theresa、現名傅寶誼）任嘉賓，暢談近況外，直接提到當年「聽粗口打冷震」的傳聞，李珊珊自爆曾被非禮的經歷。
相關閱讀：「傳奇港姐」嫌錢腥拒愛？自爆曾獲富商送逾3千萬豪宅兼任揀Benz 連介紹人都有6位數
李珊珊神隱多年終宣佈復出：
傅穎無奈表示不擅長說話
傅穎多年有不少負評纏身，除了屢被指「變臉」外，亦不時傳出與人不和。李珊珊在節目上多次為傅穎平反，大讚傅穎的素顏樣貌：「如果講女性皮膚，肯定係我見過嘅藝人頭三位。」傅穎亦有談到缺席鄧麗欣演唱會一事，她說：「之前都同我啲Fans講我想去，我知道會有演唱會，我真係想去，但係真係搵中間人同我傾嘅時候，我已經真係傾好咗工作，同埋簽咗合約，真係冇辦法，咁只能夠做嘢。」李珊珊稱傅穎在群體生活上，似乎落入戰靶區，經常成為被攻擊的對象：「呢個係我一廂情願嘅諗法，同Theresa傾偈，我發現佢好簡單，冇前冇後好令人誤會。」傅穎無奈地稱：「我真係唔係好擅長（說話），諗得唔多夠多，亦唔識得點樣去表達，原來我到而家，都係反應慢嗰個，唔識得即時畀反應。」
李珊珊坐地鐵曾有一個慘痛經歷
李珊珊即場分享了一個「極端」的經歷，她稱向來很怕坐地鐵，因為曾有一個慘痛經歷：「我試過坐地鐵遇到啲好變態嘅人，呢個經歷真係太得人驚，讀書嗰陣好鍾意挨玻璃門背書，有人住挨住好專心背書時，突然間有嘢掃我隻手，我眼望一望見到有個男士向住我，佢着住條好短嘅短褲，佢拎咗佢『弟弟』個頭出嚟掃我隻手，我講真嘅，我即時唔識得畀反應！」她憶述當時受驚過度，嚇到將本來書跌了落地，變態男才立即逃走。李珊珊指事件還有下文：「呢條友係慣匪，佢可能一早知我返學嘅時間，佢第二次又喺港鐵追住我，嗰陣只係識驚唔識得嗌，只係逐卡車跑，終於見到有人起身，我坐落去，希望佢唔好追住我，始終有咁多人，唔會咁明目張膽呱，點知我隔離嗰個起身，佢一嘢坐埋我隔籬，我唔識畀反應，我講呢件事出嚟，一定有人點解我唔識嗌，嗰陣我係I人（內向）嘅高級程度組，嗰次我坐喺度驚咗十幾秒，跟住我好大反應企起身，成架車啲人望住佢，佢知我識支反抗，所以我冇再見到呢個人。」
李珊珊走出情緒病陰霾：
相關閱讀：李珊珊甲流併發肺炎高燒近40度入ICU 留醫13天驚聞同病大S噩耗猶有餘悸
李珊珊再三強調事件千真萬確
李珊珊再三強調事件千真萬確：「呢個事件係真人真事，如果我講大話就冇仔媾，夠毒喇！我知道而家啲風化案，有啲人話唔識嗌，但係真係有人唔識嗌，諗就好美滿，真係出事嗰陣你試吓，魂魄都唔齊，我今年48歲，30多年前嘅經歷都記得喎，嗰條友仲扮到打網球，拎晒成set嘢，着到條褲好短，希望佢死咗喇，如果而家，我真係徒手將佢連根拔起，包你乾淨！」節目中，傅穎為流傳的「聽到粗口會打冷震」言論進行了解釋，傅穎稱其實當時是拍戲的一次特殊經歷：「嗰陣有場戲需要我說粗口，但因為平時好少講，我只可以匿埋喺廁所練習。第一次講出口，自己都覺得唔習慣，結果真係打咗冷震。」傅穎強調這是因為自己不常使用這類詞彙，而非聽到別人說粗口就會有反應。
