43歲朱慧敏靠一個字走出愛情低谷 嫁醫生老公仍保留「少女心」婚後生活夢幻：冇諗過有仔女
發佈時間：12:10 2025-04-13 HKT
43歲前港姐亞軍朱慧敏與心臟專科醫生老公陳良貴結婚4年，h先後育有一仔一女，一家四口幸福滿滿。朱慧敏的兒子出世後，復原速度驚人，很快便回復昔日工作，不時與女兒Shera齊齊開直播，Shera的可愛萌樣深受網民歡迎。
朱慧敏日前接受港台節目訪問，朱慧敏稱婚後仍保留一顆「少女心」，盡力支援丈夫的工作。下周三（22日）是朱慧敏的44歲生日，她感嘆過去幾年的生活如夢似幻，「20幾歲嗰陣，我從來冇諗過自己喺40幾歲會有兩個仔女，呢啲都唔係刻意計劃，而是命運嘅推動。」
相關閱讀：43歲朱慧敏誕子湊成「好」字！生完真實狀態驚人 雙喜臨門跟老公醫院做一事
朱慧敏一家四口幸福滿滿：
朱慧敏入行以來情路多波折
朱慧敏是2004年港姐亞軍，入行以來情路多波折，回顧感情經歷，朱慧敏分享她的初戀因狗仔隊偷拍而無疾而終：「第一個男朋友係大學同學，我哋喺20幾歲時重遇並拍拖，當時我已經入咗行，而佢係外地人。嗰陣我戀愛大過天，一得閒就會飛去見他。」直至二人在機場被狗仔隊偷拍並登上雜誌封面，令這段戀情承受巨大壓力。「我當時好驚，擔心會令公司唔高興並影響工作同收入。」對方亦難以適應，要求她外出時戴帽子遮臉，以躲避傳媒。二人感情逐漸出現分歧，最終分手收場。
朱慧敏憑「心口掛住個勇字」跨越低谷
面對愛情的跌宕起伏，朱慧敏自言過往全憑「心口掛住個勇字」，跨越每一個低谷：「我係一個長情又心軟嘅人，唔會輕易放棄感情，所以我好少主動提出分手，通常都係人哋同分手。」朱慧敏曾花兩年時間沉澱自己，潛心學習哲學、佛法，參與義工活動，藉以平靜內心，重新規劃人生。直至遇上丈夫陳醫生，方讓她找到心中的安穩。
相關閱讀：朱慧敏女兒1歲有驚喜！萌爆成長表情逐格睇 「雙面人」舉動勁過癮
朱慧敏生活美滿：
朱慧敏透露丈夫戀愛經驗不多
每當談到丈夫陳良貴，朱慧敏便幸福滿臉，她透露丈夫的戀愛經驗不多，自己是他的第二任女朋友：「佢30歲先第一次拍拖，我有問過佢點睇我同演藝圈，他話︰『我愛你，鍾意你就足夠』。」丈夫一直不太關注娛樂新聞，朱慧敏便坦白告之自己的感情經歷，然而對方對她的過去毫不介懷：「他話每個人都有過去，而過去嘅妳成就咗而家嘅妳。我鍾意而家嘅妳，都接受過去嘅妳。」至於婆媳關係更不用擔心，「奶奶好前衛同開放，佢睇到我着三點式泳衣拍戲，還會讚我身材好！」婚後四年，朱慧敏形容自己仍保留一顆「少女心」，盡力支援丈夫的工作：「佢EQ高、脾氣好，但工作好忙，責任仲好大，我好佩服同欣賞佢。如果佢要擔當手術嘅主刀前，我會親自下廚，湯水、糖水、水果一應俱全，默默地支持佢。」
