中年好聲音3丨5強名單疑似曝光人氣歌手傳出局？頂頭大熱黃博被睇高一線撰千字文有暗示
發佈時間：20:33 2025-04-15 HKT
TVB真人騷《中年好聲音3》決賽登峯之戰將於下月11日假啟德體育園啟德體藝館舉行，大戰,前夕，戰況相當激烈，在周日（13日）播出的「林子祥金曲之夜」，頂頭大熱黃博演繹《這一個夜》得99分，不單第三次獲得MVP，而且黃博更獲林子祥給予極高評價：「下次我唱呢隻歌，我要搵你同我唱，你啲喉嚨聲要借嚟畀我哋用吓。」
黃博張與辰李金凱被視為三甲人選
連日來《中3》戰況成為討論區的熱話，隨着10強誕生，已經有不少人討論三甲人選，除了黃博外，張與辰和李金凱被視為三甲人選，同時網上還流傳的5強名單，人氣度極高王鄭浚仁疑似出局，反而劉洋和陳芷盈成功打入五強。黃博在其FB撰文，坦言今次在林子祥唱這首歌，有一種潦潦倒的理解。
相關閱讀：中年好聲音3丨頂頭大熱黃博演出幾近滿分截圖瘋傳！殿堂級歌手登場指定要合唱
黃博人氣急升成為頂頭大熱：
黃博分享《這一個夜》感受
「大魔王」黃博今次憑《這一個夜》又創新高，演出片段迅即在網上瘋傳，令黃博人氣急升，成為頂頭大熱。比賽過後，黃博在FB發長文分享感受，「呢幾日，一直努力搵自己2013年年尾喺澳門金光綜藝館《絕對熹祥-A Mix ＆ Match Concert with 林子祥 ＆ 趙增熹》海報前嘅留影，可惜未搵得返，記得當時係聖誕節假期前嘅禮拜六，嗰日唔駛返工，決定這一個夜、我一個人，去享受一場音樂嘅盛宴。當晚睇完演出，深深震撼、久久難忘，感嘆Lam哥嘅音樂如此多元，中西兼具，不同組別嘅歌曲有不同情緒、張力、情感表達，既有豐富紮實嘅音樂編排、又有精心設計嘅舞台呈現，令一場concert展現出無可比擬嘅感染力，至今難忘。而這一個夜呢首歌，記得好似係最後Encore中嘅一首，呢首歌完全將現場點燃，令坐係山頂嘅我都被Rock到忍唔住企起身跟唱。」
黃博在林子祥面前演唱時有交錯感
黃博續說：「得知今次可以係Lam哥面前演唱時，有一種時空美妙安排嘅交錯感，對這一個夜我比較粗淺嘅理解係：孤單、是一個人的狂歡，既然潦潦倒倒、破舊不堪、滿身疲倦，不如就破罐破摔，奔著向前。好感恩，今次有一班我好尊敬嘅樂手老師與我一齊！」黃博先後感謝Donald Pak、蘇德華、Kenneth Poon、Ben Lo、Nelson Ng 、Chan Wai Lok外，還有要好好多謝韋綺珊（Rita Carpio）：「Rita老師，呢一首歌咁放嘅狀態，唔係一開始就有，老師不停用唔同嘅方法引導我打開自己，係台上free咁完全放晒出嚟，有時練習時，老師仲會同我一齊跳，為我打氣加油，天哪，黃博你是有多幸運，有老師一路陪著你，教導你，鼓勵你！係鏡頭中，遠遠看到老師係觀眾席，為我舞動，真係好感動，感恩有我嘅Rita老師！」黃博還說：「最後，好多謝一路以來支持、鼓勵我嘅朋友，係你們嘅力量，令我在心中找到支點，我會繼續加油唱好每一首歌，感謝你哋！」
相關閱讀：中年好聲音3丨「抗癌戰士」任永健14強止步！因一事被網民戥不值 錯過兒子成長慘被當陌生人
中年好聲音3丨王鄭浚仁黑面跌入危機區：
王鄭浚仁被瘋傳8強止步
不過來自大馬的王鄭浚仁（Rax），同樣惹來爭議，有網民在《中3》的粉絲FB表示：「王鄭是第8強，無緣參加在5月11日的決賽，非常可惜。雖敗猶榮，永遠支持，欣賞王鄭。」結果有人說：「今次係唔係又專登放流料製造新聞啊？上次已經試過一次。」、「堅定流，踢出局，不過其實好睇評判。」、啲料堅定流架？唔係話唔可以劇透咩？」甚至有人說：「依家已去bangkok散心。」
相關閱讀：中年好聲音3丨「校長」譚詠麟愛將被殿堂級歌手點評 獻唱經典歌加插呢件事：呢隻歌未必啱你
