陳澤鴻Goo Chan偷食｜遭交往7年女友芷希捉姦斷正 前華納歌手成首位發聲藝人：佢係善良嘅人
發佈時間：12:01 2025-04-22 HKT
本地音樂人Goo Chan（原名陳澤鴻）現年27歲，近年因多次與新晉歌手MC張天賦、Byejack（徐浩生）及洪嘉豪等人合作而廣為人知。日前網上瘋傳一段與陳澤鴻拍拖7年女友芷希的捉姦影片，其後陳澤鴻Goo Chan於IG發文承認事件並向芷希公開道歉，陳澤鴻同時表明「即日起無限期退出幕前工作」。曾與陳澤鴻多次合作的「兄弟班」前華納歌手Byejack今日（22日）早上在Threads上發文回應事件，表示對方曾是他最好的朋友，稱「依然相信佢心底係一個善良嘅人。」
陳澤鴻Goo Chan偷食連累「華納高層」？
陳澤鴻Goo Chan的偷食事件連日來在社交平台Threads成為熱話，由於他多次與華納旗下歌手包括MC張天賦、Byejack等人合作，部份網民便向華納開設的社交平台專頁「華納高層」取消追蹤洩憤。而去年離巢華納的Byejack是與陳澤鴻Goo Chan合作最多的歌手之一，今早他終於在社交平台發文回應事件。
相關閱讀：音樂人陳澤鴻Goo Chan被女友芷希捉姦片曝光 同居愛巢偷食妹豬女友尖叫「X你老X」 與MC張天賦合作多年
陳澤鴻Goo Chan偷食｜前好友Byejack發聲
Byejack今早在Threads發文說：「Goo係我曾經最好嘅朋友，以前喺觀塘一齊整歌打機，渡過咗好多個晚上，而我都好享受過往同佢一齊好純粹做音樂嘅時光，直至我入咗華納一段時間，佢亦都開始做幕前嘅工作，大家就開始慢慢疏遠，亦都講唔出咩原因，我只係認為大家嘅目光放咗喺不同嘅位置，大家有自己新嘅目標，而亦都因為我係一個會念舊嘅人，我曾經為呢件事感到難過。」
相關閱讀：陳澤鴻Goo Chan偷食｜捉姦陳澤鴻前女友芷希事件曝光後首發文：唔好過份解讀
Byejack憶述他與Goo Chan的關係後，便對他今次的偷食事件作出回應：「我依然相信佢心底係一個善良嘅人，即使佢而家做咗錯事，大家當然替受害者感到憤怒，但係事不關己嘅事情，係咪冇需要重複又重複去討論，再造成二次傷害呢，如果係純粹為咗得到流量同真實嘅認同感，做好自己先係更長遠嘅方法。」
陳澤鴻Goo Chan偷食｜Byejack曾與陳澤鴻合作無間
現年26歲的Byejack徐浩生，是一名香港饒舌男歌手、beatboxer及模特兒，Byejack 早於2020年地下出道，其後在網上走紅，及至2022年加入香港華納唱片主流出道，至2024年離開華納，現時是HIBYEFRIEND旗下歌手。
