鄭中基余思敏傳離婚每月僅$8,000贍養費 古天樂：畀啲空間佢，我哋有通電話
發佈時間：11:35 2025-04-24 HKT
古天樂、潘燦良、游學修、袁澧林等昨晚（23日）出席電影《送院途中》首映禮，大批粉絲到場支持，古天樂更走近粉絲群中收花，劉鑾雄慈善基金會信託人之董事劉陳凱韻（甘比）、林家熙（Locker）、陳健安等都有到場欣賞，場面熱鬧。
古天樂稱電影圈要換血：都要觀眾支持佢哋
古天樂表示，電影《送院途中》在疫情期間拍攝，劇組上下做足防護措施，以防有人受感染而停工，慶幸最後無人受感染，順利完成拍攝。古天樂和潘燦良在戲中都是演救護員，古天樂透露有跟真正的救護員學習，指推擔架床都有技巧，而潘燦良主要是駕駛救護車，笑言比古天樂輕鬆。潘燦良去年和太太合演舞台劇大獲好評，不少人都期望他們夫妻檔拍戲，潘燦良表示不抗拒合作，要看有沒有機會，稱大家互相了解，不怕合作會有拗撬。
《九龍城寨》續集梁朝偉演龍頭？古仔：可能孖龍頭
古天樂大讚《送院途中》中飾演女兒的蘇悅弦演技出色，除了《送》片，二人又曾在《明日戰記》演父女。古天樂指她的感情戲掌握得很好，覺得她是天才。提到他早前在香港國際電影節一個活動上表示業界需要換血，要畀機會年輕演員，解決青黃不接的問題，才能迎接香港電影界的未來，問他可會力捧蘇悅弦？他笑說：「佢仲好細個，唔係唔可以考慮，但要先得到佢父母同意，佢都要先讀好書，唔好為咗捧佢令佢唔專心讀書。其實依家嘅新演員唔難有機會，比我哋以前話頭醒尾，演戲又好好，但除咗畀機會，都要有觀眾支持佢哋，之前有電影起用全新人，但票房又唔好，我哋做製作都要生存，所以無你哋支持，就冇呢啲戲嘅誕生。」
而被問到《九龍城寨之龍頭》何時開拍，古天樂笑說：「龍頭仲焗緊。（網傳城寨前龍頭雷震東一角是梁朝偉飾演？）等個龍頭熟咗就知。（郭富城日前提議找周潤發做？）龍頭好奇怪，可能係孖龍頭。（你有無心水找誰演？）一切都要等劇本定咗先，又要睇套戲嘅預算。」
古天樂為杜sir慶生不談工作
古天樂日前出席杜琪峰（杜sir）70大壽生日會，「孖龍頭」梁朝偉和周潤發都在場，問他們可有傾龍頭計劃？他說：「嗰日係杜sir70大壽，喺佢面前唔講戲。（不在杜sir面前講就得？）但我坐杜sir附近，偉仔喺我對面，發哥喺左邊，點講。（有無趁機和杜sir傾合作？）無，主要同佢慶祝生日，其他嘢唔應該喺呢個場合講。」
另外，《東周刊》日前獨家爆鄭中基太太余思敏向友人呻，指鄭中基贍養費每月僅得8,000元，難以應付一對子女的日常開銷，兩人因未能達成共識鬧上法庭。問到古天樂可有慰問鄭中基？他說：「都係嗰句，畀啲空間佢，我哋有通電話，等佢處理好哂啲事再同佢食飯啦。」
