金像獎2025丨《九龍城寨之圍城》奪最佳電影兼最佳導演 形容香港電影正歷艱難時刻 鄭保瑞籲同業堅持到底
更新時間：23:24 2025-04-27 HKT
發佈時間：23:24 2025-04-27 HKT
發佈時間：23:24 2025-04-27 HKT
字體大小
香港電影金像獎2025／陳茂賢／破·地獄｜第43屆香港電影金像獎於今年4月27日（今日）舉行，金像獎大會早前已公佈金像獎2025完整提名名單。最佳電影獎項由《九龍城寨之圍城》奪得，《城寨》奪9獎成大贏家。
最佳電影獎項由《九龍城寨之圍城》奪得
《九龍城寨之圍城》的一眾台前幕後齊齊上台拎獎，電影由籌備至上映歷時8年，期間經歷不少艱難時刻，莊澄說：「頭4年係不停咁推動，後4年係鄭保瑞不停咁運作，拎到呢個咁好嘅成績，要多謝所有大哥、大佬，所有嘅台前幕後嘅金像團隊，最緊要係多謝支持香港電影嘅所有觀眾，香港電影而家喺最困難嘅時候，希望各位同業，尤其係年輕一輩，唔好放棄，堅持到底，就是勝利，香港電影加油。」老闆之一的古天樂亦說：「我希望以後嘅電影金像獎，唔係剩係睇新人，係希望由新人帶領香港電影走出另一步出嚟。」
相關閱讀：金像獎2025 ｜第43屆香港電影金像獎ViuTV現場直播 完整得獎名單不斷更新
電影開拍的時候處於艱難時期
他們亦表示，電影開拍的時候處於艱難時期：「2016年開始做呢個project，經歷咗好多困難，好似融資，一傾好演員就封咗關，冇人入戲院，拍ending嘅時候就限聚令，上畫嘅時候又遇到市場下滑，喺艱難嘅時候，多得大家頂住，可以繼續入戲院同聽到廣東話，係一件幸福嘅事。」
鄭保瑞憑 《九龍城寨之圍城》奪最佳導演
另一方面，導演鄭保瑞憑 《九龍城寨之圍城》奪最佳導演，今次是鄭保瑞第二次得獎，鄭保瑞在台上說：「我自己好好運，又可以再次得到呢個獎，希望大家可以畀啲掌聲其他導演。」
