鄭欣宜神隱與抑鬱症無關？梁思浩暗示為愛情寧犧牲事業 10字反擊外間揣測
發佈時間：17:00 2025-04-29 HKT
鄭欣宜（Joyce）自2023年3月紅館個唱後，疑因抑鬱症復發絕跡幕前，期間一度傳出患病消息，甚至有指她秘密返加拿大生B。神隱2年的鄭欣宜，日前突然大動作清空IG相片及影片，令外界非常愕然。
梁思浩爆鄭欣宜生活得好開心
向來視肥姐為家人的梁思浩，昨晚在YouTube節目《 娛樂好好玩》上，亦有提及鄭欣宜突然清空社交平台一事，梁思浩說：「佢生活得好開心，我唔可以講佢而家喺邊度，我好相信欣宜係會唱返歌。」
相關閱讀：鄭欣宜神隱2年突清空IG、YT影片下架惹猜測 多次傳抑鬱症復發暴瘦 經理人曾稱「病了」
梁思浩爆鄭欣宜最新近況：
梁思浩稱鄭欣宜同肥姐性格相似
梁思浩在節目上被吳家樂、江美儀等人追問鄭欣宜的現況，梁思浩只說她目前在兩個字的地方生活：「 不如我簡單啲講，唔好剩係講林珊珊，其實冇乜人咁容易搞得掂鄭欣宜。仲有一樣嘢，佢同肥姐嘅性格有某一方面係好似，係喺對愛情嗰一份執着，我已經講好明顯，所以我好支持佢，開心咪得囉。」梁思浩還說：「對上一次我去拜肥姐，我都喺佢靈前講咗一段說話，我叫佢唔駛擔心欣宜，佢真係有自己嘅諗法，佢已經好成熟。」
梁思浩稱欣宜性格唔啱呢行
梁思浩又稱：「我係睇住呢個細路仔大，嗰陣佢好似粒骰，肥姐仲住喺清水灣，我住喺隔離，我成日走去佢屋企黐餐，欣宜細細個已經堅毅嘅性格，係一個好承擔嘅人，不過佢唔適合呢個娛樂圈，呢個係我真心。佢好有talent（天賦）做娛樂圈，佢3歲已經可以將一隻黃梅調嘅《郊道》完全唱晒出嚟，但係佢嘅性格唔啱呢行，喺事情上大家嘅揣測，我只可以講一句『唔係你哋揣測嘅所有嘢』。」
相關閱讀：鄭欣宜最新近照曝光！容貌狀態出現重大轉變 復出有望好友曾預告有大Project
沈殿霞離世17周年：
鄭欣宜經常被網民在香港捕獲
神隱多時的鄭欣宜經常被網民在香港捕獲，商台DJ梁文禮亦曾自爆巧遇鄭欣宜，好友許廷鏗曾透露鄭欣宜目前身在香港，兩人有見面並不時打麻將︰「佢狀態幾好。我之前話佢有大Project搞緊，係音樂類型嘅嘢，佢有佢諗法，我都唔知佢幾時有新音樂作品。」直到在今年年初，陳淑芬曾在IG貼出拜年短片，其中一張合照上驚見鄭欣宜出現。鄭欣宜當時坐在陳太兒子陳家豪身旁，見到她面色紅潤，面上掛起燦爛笑容，鄭欣宜染了一頭金髮，戴上啡色毛毛帽子，身穿黑色外套配金色小肩包，下身穿上紅色長褲，手上戴起幾枚型格戒指，明顯經過悉心打扮，身形則比較豐腴。
