MC張天賦豪賭濕濕碎？男星爆巨星登台一晚輸千萬：免費唱一年先夠還女星花百萬打衛星電話給男友

更新時間：09:00 2025-04-30 HKT
發佈時間：09:00 2025-04-30 HKT

日前MC張天賦被指曾豪賭一局輸30多萬元，事後MC承認曾與友人對賭，不過注碼並未如爆料所指那麼誇張。昨日網上節目《娛樂好好玩》直播亦有討論MC被指「豪賭」一事，梁思浩在尾段加入直播，指多年前有位巨星獲邀上娛樂船登台，在船上賭博一晚輸了千萬元。

梁思浩大爆巨星豪賭輸唱酬兼欠債

梁思浩在《娛樂好好玩》中，與吳家樂、鄧兆尊、江美儀討論近日的娛樂新聞，昨晚直播中提到MC被指豪賭一局輸30多萬元的新聞，梁思浩大爆過往所見所聞，指圈中很多藝人都有豪賭的習慣，當中包括愛麻雀耍樂的肥姐沈殿霞。而梁思浩更大爆，早年有巨星在娛樂船登台，不但輸了唱酬和積蓄，更欠下債務。梁思浩表示：「佢差唔多要幫呢間機構免費唱番一年，先夠還佢嗰晚輸嘅錢。佢唱一場係60萬，好紅㗎，唔係普通人嚟。」

巨星豪賭輸千萬欠巨債靠唱歌還債？

眾人猜巨星身份鄧兆尊：冇譚詠麟份

吳家樂指假設該巨星最少一年要免費唱12場來還債，江美儀驚訝：「輸過千萬！」鄧兆尊亦表示：「有好多同行去拉斯維加斯登台，一到嗰日都差唔多將自己歌酬都輸晒。」他們紛紛猜測梁思浩爆料所指的巨星，梁思浩表示：「男嘅，而家仲喺呢行，唔跳舞嘅。上得娛樂船，收得60萬一場，都唔係普通人。」向來被指知很多娛樂圈秘聞的鄧兆尊，這次堅稱不知巨星的身份，只笑指：「我認真講畀你聽，冇譚詠麟份，佢上過去（娛樂船），唔止收60萬，但佢唔賭嘅。」

相關閱讀：38歲樂壇巨星傳欠近4億賭債！19歲已成賭場常客未成名靠賭錢交租

梁思浩爆女星講錯說話被列入黑名單

梁思浩另爆有位已淡出娛樂圈的女星，早年在娛樂船上因兩句說話被列入黑名單，自此不能再上娛樂船登台。梁思浩說：「當年嘅天王巨星，而家唔係喇，佢喺船上，唔跳舞嘅，佢企喺度唱，隻船係有少少郁嘅，佢又着高跟鞋，女嚟嘅……佢唱唱下就瀡……佢話『哇，隻賭船咁浪點唱呀』，其實後面有啲外國人係聽住人登台，佢就講咗2次『隻賭船咁浪點唱呀』，自此黑名單唔可以再上隻船。第一，唔可以講隻船有幾浪。第二，唔可以話係賭船。」梁思浩指，這位女星已淡出多年，早年非常紅，有最少20首代表作。

相關閱讀：尹光與靚老婆同框照罕曝光曾因爛賭一晚輸一層樓用X元追到女神

鄧兆尊爆亡父新馬師曾一夜輸400萬？

女星蜜運中豪花14萬美金煲電話

梁思浩指，有位女歌手早年上船登台，豪花金錢只為打電話給男友。梁思浩表示，當時在船上問該女星，為何數天都不見她回房間，對方指她到船上的控制室。原來該女歌手當時蜜運中，為了致電給男友，不惜花鉅款在三日間狂打衛星電話，下船當日結算共花費了14萬美金（約100萬港元），梁思浩表示：「我聽到呆咗呀！」江美儀表示知道這位女歌手的身份，但不願透露，僅表示：「最後咪又係分開！」大爆這位女歌手最終也與當時的男友分手收場。