大J網售風波｜人氣YouTuber 大J 網售日本洗頭水被批貴 恥笑他還敢稱是佛心價
發佈時間：16:02 2023-02-15
人氣YouTuber 大J（Jason Chau），於2015成為香港第一個突破1億觀看次數的YouTuber而為人熟識，近年大J與日本藉老婆Mai移居日本，仍積極拍片分享當地美食及日本文化，因內容豐富加上其流利日語，影片受到不少網民追捧，他創立的主頻道「JASON」訂閱人數多逾100萬人。近年大J更創立了個人品牌「boyhood.」，售賣各種原創服飾單品及經營貨品代購服務，尤其是代購日本當地熱門貨品或其心水推介。
頭瘡問題開始團購藥用洗頭水
早前大J因頭瘡問題，選用了日本曼秀雷敦Medi Quick H藥用洗頭水而有改善，「唔係吹水唔係揾笨，鐵一般的事實，用左兩晚之後，頭皮唔再痕，頭瘡慢慢消退，5日之後已經全部頭瘡消失曬，只係剩低D暗瘡印。」大J順道搞團購，「呢支野官網賣1100yen（200毫升裝），藥房見到賣1300yen。今日我同大家團購，日本去香港運費！我~包！我賣幾錢？HKD138？No～HKD118？No～係【HKD98】啊！！oh unbelievable」。
連登開帖批「賣到咁貴！」
團購反應良好，大J於是在2月初加推320毫升大支裝及280毫升補充裝，並放上boyhood.網站出售，售價分別為 $172及$150，另加$30運費。此舉即惹來網民評擊太貴，更有人在連登以「冇頭髮嘅大J賣洗頭水賣到咁貴」為題開帖，稱「早排見大J賣濕疹洗頭水，有興趣所以上網格下價，點知佢賣得咁貴，又要收運費，仲敢話自己佛心價。」「大丁賣一支$172 仲要比$30運費。」該網民更發現另一個購物網站購買，價錢更平：「呢個網賣$159一支（320毫升），買兩支再減$40。」更懷疑他可能在該網站購買再轉寄給買家。
網民點睇
網民怒插：傻既先會同佢買
此帖一出，即時惹來不少網民熱議，有人加入駡戰，如「傻既先會同佢買野」、「佢而家咁同啲大媽去藥妝店拖喼買嘢冇分別」、「大J賣洗頭水？笑死」、「你地有你地班水魚繼續買 佢有佢繼續利用你班水魚賺返黎既錢買樓 風流快活」，更有人指大J為人向來小氣，「直播有人俾意見佢條褲，佢即刻退錢俾人，叫人如果唔鐘意條褲就掉左佢」。
網民力撐：同一樣產品超市同藥房買都唔同價啦
不過也有網民力撐，如「光頭就正正因為好Ｘ油，洗頭係有必要」、「度度賣野總有平d 貴d 架啦」、「老實D講句，你同一樣產品超市同藥房買都唔同價啦，佢又冇拎枝槍隊住你買」，「都係貴13蚊都好拎嚟講，一支津路都間間7-11唔Ｘ同價錢啦」，有網民更發現其他網站售價更貴，「呢間賣$185 /支（320毫升） ，仲要自己比順豐運費，點解樓主唔開post X佢呃人錢？」
圖片來源：Facebook@Jason – 大J、hellobear.com.hk、www.amazon.co.jp
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
