港男新居入伙豪曬全屋淘寶連電器都有這款燈最惹網民熱議：鄰居要買定家居保險！

更新時間：18:22 2023-06-26
發佈時間：18:22 2023-06-26

淘寶一向是網購的好選擇，皆因貨品比起在香港店鋪購買相對便宜得多，不過不少人都會擔心品質問題，尤其是家電。最近有港男新居入伙，豪曬全購自淘寶的家電，稱要「打造全淘寶家居」，當中一款電器卻惹網民熱議，直呼「好危險」之餘更指「鄰居要買定家居保險！」

港男新居入伙豪曬全屋淘寶連電器都有

最近有網民在Facebook群組「淘寶開心share」發文，分享近日從淘寶購入的家庭電器，指自己最近為家居添置了不少家電，更稱「打造全淘寶家居！第一轉家電！」從圖片可見，樓主購入了風扇燈、抽油煙機等等。

這款燈最惹網民熱議：鄰居要買定家居保險！

貼文引起網民熱議，不少人直呼「好危險」，表示內地及香港兩地的安全規格要求、電壓等等都不同，擔心有品質、安全問題，亦有人質疑家電能否符合機電署要求：「有啲細牌子真係唔掂，你拆開見完全無保護，電線芯好似幾條頭髮。」、「抽油煙機、冷氣機都應該ok，風扇燈就咪搞」、「買內地電器一定要留意，最好不要買些長期要插住用電的電器，如雪櫃，有起事來冇人在家好危險」、「唔好因小失大！」、「求link...唔係...求地址」、「鄰居要買定家居保險！」、「見到張相唔係自己屋苑就放心了」、「有咩事既話咪下次小心啲囉，係啲鄰居陰公啲啫」、「有冇地址，如果喺附近我買份家居保險先！」、「4粒炸彈」、「淘電器炸死咗有冤無路訴，保險又未必賠，隨時被隔離左右告到破産」。

從淘寶網可見，市面有不少「風扇燈」同類產品，不同牌子、款式都有，最平只需人民幣45元即可入手，難怪網民會對品質問題感到擔憂。不過亦有網民表示本地電器與內地商電器質素差距不大，但是本地電器鋪卻「食水深」，「見過盞一模一樣嘅燈係燈飾鋪賣$3000淘寶賣$300」、「如果真係淘，建議買大牌子」有網民指安全與否是由用家的使用方法決定：「最重要用嘅過程，會唔會過熱或者著火，有咩問題會閂電掣，最重要個人有知覺，唔會夜晚瞓覺醒咗，覺得點解會有燶味。自己都唔醒覺，咁就真係命都冇。」