【Juicy叮】遭男友家暴後仍想感化對方 網民籲港女盡快分手
更新時間：18:30 2021-03-09
發佈時間：16:53 2021-03-09
發佈時間：16:53 2021-03-09
字體大小
家暴的問題於香港十分常見，近日有港女於討論區發文，指男友平時外表斯文，但每逢2人吵架時，男友便會掌摑她。港女知道男友日後或會繼續動手，但內心卻不捨得與男友分手，仍然希望他能改過。帖文引起網民熱議，不少網民都呼籲港女分手。
該名港女前日於討論區「Dcard」發文，指男朋友剛剛認識時，表現斯文有禮，但相處後才發現男友每逢生氣便會動手，「開頭淨係好大力捉我隻手，每次都會捉到瘀晒。我一話佢整痛我，佢就會好內疚咁話無下次，而我原諒咗佢」。
不過港女表示，男友並沒有因此改過，反而越來越暴力，「因為一啲小事佢又打咗我一巴，但佢打完又𠱁返我，佢話唔係我發脾氣佢都唔會打我」。
港女知道男友愛用暴力的問題，但又因為男友平時待她很好，所以不捨得分手，「佢平時唔打我嗰陣真係唔錯，就算無錢都會畀我食先，又會煮飯我食，連啲碗都唔使我洗，話唔想未來老婆辛苦，每次我話想食咩佢幾遠都會買畀我」。港女直言不知道該如何抉擇，她深知男友日後必然會再動手，但她仍希望可以感化他，讓他改過。
帖文隨即引起網民熱議，不少網民都呼籲港女盡快分手，「唔通你想畀佢打死咗先走？」、「呢啲嘢唔可以開個頭，開咗就要即刻結束」、「有啲嘢有得第一次就會有第二第三次，而且會愈嚟愈過分，趁早分手啦」。
資料來源：Dcard
