Juicy叮｜出po尋物遇「呃茶錢黨」 港男分享智破騙徒經驗
發佈時間：11:29 2022-11-05
路不拾遺是美德，但並非人人也能身體力行，更有可能引來騙徒籍機呃錢斂財。一名港男早前於社交平台發文，指早前搭車時遺失一部macbook，其後在網上發帖報失，希望有熱心人能夠協助，未幾有一名陌生人主動與他聯絡，聲稱執到其失物，之後多番索取「茶錢」。事主覺得有古怪，於是要求出示macbook的照片以作證明，但對方支吾以對，最後他智破對方的騙局，未有被騙。不少網民得悉經過後大讚樓主醒目，另外亦有人分享自己類似的經歷，指自己「心急則亂」被人騙財。
一名港男於facebook「香港失物報失及認領群組」發文並分享多張對話截圖，希望各位網民能夠「慢慢欣賞下騙徒啲手法」。他表示，自己早前乘搭九巴290A線的尾班車返回秀茂坪的寓所，其間在車上遺下一部macbook，於是在社交平台發文報失兼尋物。其後一名陌生人主動透過ＷhatsApp與他聯絡，指他的母親執到事主遺下的macbook，之後假裝好心叫他「下次小心啲」。
●點擊睇騙徒呃人手法●
初時事主未察覺對方是騙徒，不斷連番道謝，但對方隨即要求「茶錢」作報酬。事主表示自己「識做嘅」，著對方放心，又要求對方出示macbook的照片以作證明，但對方支吾以對，一時以「我媽未起身」，一時又以「我番緊去遲啲影」為由推卻。
根據對話紀錄，對方講出事主遺失的macbook特徵，希望可以爭取事主的信用，又表示會召客貨車將macbook完璧歸趙，未幾便開始催促事主支付車費「方唔方便畀車錢我？」、「你畀幾錢我」、「你畀車錢我得唔得？聽落好似呃人，但幾百唔會呃你，我仲驚過你」。事主未有回覆及答允，僅指自己不算有錢，只會給予500元「心意費」。
事主開始察覺有古怪，於是指會親方到對方的位置取機，直言「一手交錢，一手交貨，保障大家」，又應承收到macbook後會給予茶錢，但對方仍然死纏不休，「你轉數快畀我200可以？其他一陣你畀埋我？」「你信就轉畀我200，尾數一陣畀埋我又得」。
●點擊繼續睇騙徒呃人手法●
事主堅持要求見到自己macbook的相片後才會付費，對方竟突然減價，要求事主支付50元或100元「茶錢」便可以，最後，對方懷疑已經事敗，突然拋下一句「應該唔係你嗰部，同埋時間有出入，我媽講嘢一舊舊」便沒有再回覆，而事主亦表示「唔洗講嘢喇，大家心照啦，轉頭就去報案」。事主事後向網民稱，因自己的macbook某個位置崩缺，故一看便知該部機是否屬於自己，又強調一定會見面才會給予「茶錢」。
不少網民得悉經過後大讚樓主醒目，懂得拆穿對方的詭計，「其實呃人就係睇中你心急，失去理智，只要騙徒講到一兩樣嘢啱你心水，就咩理智都忘記哂，其實只要掉返轉，問一啲細節嘢去confirm一下就好易拆穿」、「我試過跌銀包喺facebook留言找失物，之後有人聯絡我話喺街執到，不過錢畀人攞晒，佢話1000蚊茶錢，我答應但要影我銀包睇睇先，佢唔肯話有私隱，我話你影銀包外觀，佢都唔肯，最後緊係唔啋佢，點知第二日差館打來話的士司機執到交咗去差館，仲一蚊都無少到」。
不過，亦有其他網民分享自己類似的經歷，指自己「心急則亂」被人騙財，「之前我老婆唔見咗隻結婚戒指，佢話執到講曬好detail咁，但我一心就好想拎返，結果無問佢拎相，就咁過咗500蚊茶錢，之後唔應機」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
