Juicy叮｜樓價物價高 網民呻香港生活愈來愈辛苦獲逾5千人認同
發佈時間：11:24 2022-11-07
有網民在網上發文，指在香港生活愈來愈辛苦，並列舉現時面對的多個問題，獲得逾5000人讚好，並有多人表示認同。
該名網民在連登討論區以「喺香港生活真係越嚟越辛苦」為題發文，並列舉現時面對的多個問題。樓主指出，現時的物價高，「出街食飯貴到離晒地，依家連買餸都越嚟越貴」，並形容樓價高得像「天價」，令不少人放棄買樓的念頭，即使選擇租樓，屋租亦不便宜，並批評業主「疫市仲加租」，「寧願冇人租，都唔會減租益租客」，至於公屋則「永世排唔到」。
請點擊組圖瀏覽：
樓主續指，平日希望可以做運動或欣賞演唱會，卻不時有人「炒場」及有黃牛黨炒高票價，「最後一係食炒，一係唔好去」。樓主又提到，上班需要接種疫苗，「唔打針就焗住乞食，工都冇得返」，而外出用餐、看電影及其他娛樂亦需要使用「安心出行」，「唔down app掃就邊度都冇得去」。樓主又提到在交通方面，港鐵經常加價，但不時出現故障。樓主續指，「後生仔追下夢」，但在街上busking會被控告，並指「新一代就嚟連食煙嘅權利都冇埋」。
截至今日(7日)早上10時許，相關帖文已獲得5155個讚好。不少網民認同樓主的看法，並紛紛留言指「日日帶住個口罩，仲要帶足幾年先可笑」、「香港樓價全世界第一」、「一舊水拉麵仲要唔好食」、「喺香港真係有返工，冇收工」、「依家連深水埗葵興嗰啲地方食lunch都好貴呀」等。
另有部分人則持相反意見，並指「除左樓價貴呢點認同之外，其他都唔覺有咩問題，全世界都係咁㗎啦」、「食飯唔貴啦，租樓都唔貴，咁都話貴，點去外國生活？」、「落樓下已經有車你搭，24小時有食店，邊個地方做到？」、「出去食野 + 交通費香港目前都算係咁，去第二啲國家貴到癲」、「其實啲嘢唔係貴，係你冇本事」等。有人則指出，「香港生活費可以好平，如果你樣樣格價，你餐餐去一田買、去商場食，當然好貴」。
帖文來源：連登討論區
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
