Juicy叮｜太古城群鼠出沒部分體型如貓 街坊狂呻：畀咁多管理費
發佈時間：14:29 2022-12-19
月黑風高寒冷夜，太古城驚現鼠蹤。社交網站facebook專頁「太古社區關注組」昨日（18日）早上發貼，有網民報料指「昨日凌晨2:00am，一共有7-8隻米奇！嚇親街坊啦！」上載的相片雖然沒有「7-8隻米奇」，但在屋苑通道一個小小的範圍內也有4隻之多。
現場情況及網民回應請點擊組圖瀏覽：
回應的街坊指「呢段路常見的」、「試過夜晚8點幾都有一兩隻跑來跑去。多到有d得人驚」、「前排有晚東海閣對出都見過隻貓咁大嘅老鼠」，並指「太古城不嬲都多老鼠」、「太古城出名多老鼠」，「成日都見到啦，但都唔見有好多位置標示有放老鼠藥」。
另有居民抱怨「畀咁多管理費，係咪應該找滅鼠公司？」、「應該通知管理處負責人做滅鼠行動」、「有冇tag啲區議員？等佢哋處理下」。
相關新聞：
Juicy叮｜叼老鼠欺凌鏟屎官 心機貓主子適時撲出「英雄救美」【有片】：https://bit.ly/3G2WDDJ
Juicy叮｜大媽街頭「老鼠」當波踢 掃把腳攔截 七旋斬踢飛：https://bit.ly/3jiqGy8
Juicy叮｜老鼠膠變飛毯 荃灣菜館活老鼠從天降：https://bit.ly/3FLgt5g
Juicy叮｜屯門屋邨驚現瘋狂「老鼠膠」陣 網民：多到人都捉到：https://bit.ly/3v1Z4QG
Juicy叮｜羅麥記樓面靚姐掃把大戰肥老鼠 網民肉緊：好犀利：https://bit.ly/3Wqdgi7
對於這個中產屋苑有鼠患，有網民認為「太古係唔應該有老鼠嘅」，但有理性的網友則分析指，「地下咁多食肆，多老鼠好正常，係睇有關方面會否做嘢滅鼠」、「地面餐廳全關門就可解決！」，並估計「花槽內應該好多， 見過早上也走出來」、「咁凍都咁多，數量之大可想而知」。另有網民指「側魚涌公園都多咗老鼠仔，跑步嗰陣都見到」、「鰂魚涌啲後巷都開始多米奇」。
面對巨鼠橫行，有網友指「嘩，好誇張啫，嚇死人咩」、「嘩。。。。 唔係化。。。目測都好大隻下WOR」、另有網民笑說老鼠「識飲識食」在「開Party」，「夜晚一個人行，唔係驚俾人打劫係驚畀老鼠撞到」。於是有網友發出最原始的呼聲，召喚天敵出場——「需要兩隻貓」。
帖文來源：太古社區關注組
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
