大叔霸巴士站忘我「開局」跪地托頭苦思懶理巴士身旁穿梭｜Juicy叮

更新時間：18:56 2023-03-25
發佈時間：08:56 2023-03-25

真是世事如棋，兩名男子「飛象過荃灣」，在繁忙時間興之所至，於巴士站旁就地開局，其中一人似乎已進入忘我境界，跪地托頭苦思，旁人為之側目。

捕捉到這幕巴士站奇景的市民，以「興之所至，真的沒法擋......真係估你唔到......」為題上載相片至facebook討論區。有回應的網民認出現場是「千色店附近」，並奇怪「隔離有德華公園，點解咁辛苦？」。

巴士站旁下棋實況及網民回應：

有網友不客氣直斥在巴士站開棋局「阻Ｘ住晒」，建議「一腳踢走佢隻將軍」、「一腳踢開佢啲棋啦」、「阻住晒個巴士站，人哋追巴士睇唔到就一腳踢落去」、「上屯門公路啦～條路又闊又風景」，有人更指「其實佢跪低咗有人掛住行，不留神，分分鐘撞到佢，唔好彩中咗出馬路就慘了，我覺得他們變相阻街」。

另有網友形容情況是「捉快棋，忘我境界」，有人卻質疑「真係咁大棋癮」，懷疑是否在設鈎水魚的「天仙局」，於是有人建議「報警，話有人非法聚賭」。

事件還令網友想起早前有人在巴士站旁大解的畫面，指「急到瀨咁嘅款喎」、「隨街都可以開大小，更何況捉象棋？」、「唔痾屎，好好嫁啦」、「好過急屎就地」。

帖文來源：荃灣人

同場加映：
男子城隧轉車站疑當眾除褲大便網友驚呼可怕：隔住mon都覺好臭

男子城隧轉車站疑當眾除褲大便，網友驚呼可怕：隔住mon都覺好臭。

一名十萬火急男子2月18日被網民實時拍攝到在城門隧道轉車站旁草地前懷疑當眾除褲大便。如斯「大解決」境況震撼網民眼球，慘情掩臉驚呼「好可怕」、「好核突呀」；不過亦有冷靜的網友將心比己，同情地指「如果食錯嘢忽然攪肚痛，有時真係忍唔到」。

相中見到一名口罩幾乎只戴在下巴位置的男子彎著腰，長褲一度退至大腿位置，欄桿草地前布滿廁紙，廁紙旁有一坨懷疑糞便；而事發現場附近，正見到有一個相信是臨時廁所的藍色物體。

男子車站旁疑大便實況及網民回應：

上載相片的網民指「實時城門隧道轉車站，有臨時廁所都唔去，唔洗手」。網友聞隨地便溺色變，慘呼「可以打格仔嗎？」、「隔住mon都覺得好臭」、「好可怕」、「咁都得」、「真痴線」、「好核突呀」。有火遮眼的人認為應「報警當場逮捕喇」，也指事件「苦了清潔工」，同時提醒「因住有馬騮偷桃」。

有人則形容這舉動實為「野外露出」，令香港「遍地黄金」。有人笑說是「施肥中」，卻被心情不佳的網友反駁「施肥行去棵樹嗰邊啦，石屎地施咩肥呀」。

網友同情體諒苦衷

不過也有網友冷靜地分析，人同此心地指「如果食錯嘢忽然攪肚痛，有時真係忍唔到」、「擺到明人哋肚痛冇辦法，有廁所又點，唔使排隊呀踢門？」、「可能好急好肚痛，我都唔敢坐車前食太油或太多食物，試過胶肚痛差D痾」、「可能真係忍唔到呢？廁所入面嗰個又好耐，所以就地正法，劇情應該係咁！」、「如果裏面好污糟／勁耐唔出黎，咁都情有可原」、「算有公德心，識痾去路邊，無係車上面痾」、「有時遇到~慢世魔王。街市廁所6個坐廁位，我等咗10分鐘，都係冇人開門。如果肚屙爛屎，急到~毛管戙」。