一家之主慘遭家庭欺凌 網民陣腳大亂：月入6萬仲要受老婆仔女氣？｜Juicy叮
發佈時間：07:28 2023-05-03
一名聲稱月入6萬的一家之主，早前在網上「香港討論區」發出叫人心寒的「家庭欺凌」控訴，指老婆仔女「唔同你傾計，唔預你食飯，只有要錢時先搵你，或飲飲食食搵你埋單請客，其他時間，彷彿當你透明，被孤立的感覺，與其說家庭，不如說是租客」。
網民原以為樓主不上進兼低收入，當獲知月入6萬後即陣腳大亂，震驚地指「吓？！樓主搵6萬幾蚊一個月，仲要受家人氣？」。
樓主帖文及網民回應：
見到樓主大呻，網民最初回應指，是「冷暴力」，「用喺家庭上面真係好少用欺凌兩個字」、「唔勤力上進搵多個錢搬離，你家中地位低微就會受到家中成員冇咁尊重嘅對待㗎喇，昔日懶鬼惰的惡果，係咁Ｘ悲慘㗎喇」、「出來做嘢都要靠屋企係自己問題」。
豈料樓主補充指，欺凌的「唔係父母，係老婆仔女」、「我搵6萬幾1個月，唔算搵得多但都唔算低吧！」。
網民知悉後大感奇怪，指「吓？！樓主搵6萬幾蚊一個月，仲要受家人氣？我估您一早搬咗出去自己住。咁無必要洗乜見屋企人呢？......」、「搵6萬幾一個月，已經可以選擇了，可以脫困了」、「如果我有樓主講搵咁多錢，我都一早搬走咗啦」、「搬出去住囉」。
網民建議樓主凡事主動改善關係
另有網民坦言，「搵咁多都成碌葛咁，抵你被人當透明，想得到尊重，唔該你主動啲，按時俾家用，大節前10日俾定錢屋企人做節，屋企有咩欠缺就主動協助，例如見到屋企無廁紙就問吓使唔使買」；還有人教路「如果性格不合的話，搵個正當理由分開住。相見好，同住難」。
有同聲同氣的網民則感受至深，指「大把人都係咁啦」、「我都係咁樣，唔會一齊食飯唔會講嘢，大家當大家透明，生死不相往來，主要原因係出面租屋住好貴，冇辦法唔住埋一齊」、「昨天睇Netflix舊劇Sweet Home，深深體驗到主角感受」。有冷眼旁觀的人則指，凡事「總有原因」、「有時關係攪到咁，實有原因」。
帖文來源：香港討論區
相關新聞：
結婚廿年發現「老公出面有女人」 人妻瀕崩潰 網民咁開解......
發帖呻婚後愛情消失 新手人妻無奈總結：勝過獨行
呻與夫平淡如水人妻發帖圍爐 竟突然自爆曾有外遇......
夫妻情侶出街食飯全程唔講嘢 網民理性分析結論係......
人妻呻老公成日返大陸過夜 網民獻計圖一招封喉
人妻想搬開唔同老爺奶奶住又怕兩老嬲 網民有計仔......
港鐵故障致人妻出軌斷正 夫捉姦在床後反應令人意外
同場加映：
學生哥匿山邊草叢猥褻遭偷拍 地盤工圍爐喪𥄫 對講機品評戰況
網絡今日(1日)瘋傳一段影片，有學生哥匿山邊草叢猥褻遭對面地盤工友偷拍到，工友們圍爐喪𥄫，不斷互相用對講機「抵死」品評戰況，引來網民熱議。
從影片背景錄到的新聞報道內容，估計事發在今年(2023年)2月初，有傳事發地點有在柴灣一處地盤，但具體地點不詳，影片分開多段，總長約15分鐘。
地盤工偷拍學生匿草叢猥褻 全程爆笑品評（對話足本字幕版）↓↓↓↓
影片看到地盤工友多次拍到該對學生，匿在山邊草叢猥褻，影片中有工友表示「(佢哋)日日有呀」，甚至有人提到要「埋去勸吓佢哋」，「佢哋未X知對面係個地盤嚟㗎」「唔好係到搞啲咁嘅嘢」。
網民紛紛批評兩名學生公然進行不雅行為，行為不道德亦觸犯法例，至於地盤工友的偷拍行為，亦被網民強烈譴責，認為不道德和令人嘔心，同樣有觸犯法例之嫌。
公眾地方猥褻最高可囚半年
根據第200章《刑事罪行條例》第124條 ，與16歲以下女童非法性交，是刑事罪行，最高刑罰是監禁5年。根據第200章《刑事罪行條例》第123條，與13歲以下女童非法性交，是刑事罪行，最高刑罰是終身監禁。
根據刑事罪行條例200章148條《在公眾地方的猥褻行為》，任何人無合法權限或合理辯解下，在公眾地方或公眾可見的情況下，猥褻暴露其身體任何部分，即屬犯罪，罪成可罰款2000元及監禁6個月。
至於發布影片，則可能干犯《淫褻及不雅物品管制條例》21條中的發布淫褻物品，罪成可處罰100萬及監禁3年。
同場加映：1000萬裝修驚現「家徒四壁風」 跑馬地單位離奇翻新 網民拆解矜貴之處
HOY資訊台最新一集《每日樓市》介紹一個跑馬地單位，業主斥資一千萬翻新單位，但呈現出「家徒四壁風」引來網民熱議，不過，有「識貨」網民最後現身，拆解箇中矜貴之處。
有網民在高登討論區發帖，主題為「呢個單位名副其實『家徒四壁』 ，業主吹到用咗1000萬裝修」。
即睇跑馬地單位千萬裝修後實況（足本字幕版）↓↓↓↓
帖文焦點在討論最新一集《每日樓市》跑馬地單位千萬元裝修，迅即成為熱話。
網民紛紛熱議該個單位的千萬元的裝修，貴在哪裡？
千萬裝修貴在哪裡？網民拆解矜貴之處↓↓↓↓
詳情瀏覽：1000萬裝修驚現「家徒四壁風」 跑馬地單位離奇翻新 網民拆解矜貴之處
---
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
