天才小泳手無緣參賽︱斥「埋堆」製造不公肥媽 : 政府資源多咗制度反而差咗

更新時間：16:56 2024-07-07
發佈時間：16:56 2024-07-07

《星島》日前獨家報道，前港隊游泳代表方力申開辦的泳會，一名9歲男童游泳比賽成績優異，惟因泳會級別不夠高而未能參加錦標賽，事件引起社會關注。70歲的肥媽（Maria Cordero）亦對事件感到憤怒，直斥「點解唔係邊個游得叻就有得參加比賽 ? 點解一定要「埋堆」先有得參加 ?咁樣制度點公平。」

方力申個泳會辦得好好點解都唔畀參加? 真係嘥氣

肥媽稱自己一直關心體育發展，她的弟弟、兒子及多名孫子均曾是港隊成員，她得悉方力申泳會風波之後，即感到十分憤怒，「香港之前運動無乜資源，參加比賽就係邊個叻就揀邊個代表香港出賽，好似之前「滑雪女神」的內地滑雪運動員谷愛凌，唔通佢又要入咗邊會先有得參加 ? 根本應該係邊個游得快，邊個就有資格參加比賽，方力申個泳會辦得好好，點解都唔畀參加?真係嘥氣。」

她認為以前體育活動的資源不多，選香港代表單憑實力，現在政府大力推廣體育運動，投放資源多了，反而很多無謂的規矩。

肥媽又指事件對涉事小朋友會造成傷害，「小朋友可能會覺得做人毋須咁勤力，咁勤力都無用，最緊要睇你入咗邊個會。」她稱若以是否屬會成員揀選港隊代表，「咁果啲參賽者水準未必夠高，未必游咁快，定會影響比賽爭勝機會」。