警司陸振中涉逼女下屬口交 事主供稱陸權力很大 「可以話係山寨王」
發佈時間：16:34 2024-08-15
沙頭角分區前指揮官陸振中涉嫌3度殘廁內強逼女警口交案，今區院續審。女事主接受盤問時強調，案發晚有明確示意拒往殘廁，她並哭訴被告是警司「「佢嘅權力，你知唔知係幾咁大呀？」、「佢可以話係山寨王呀，我只係一個好微細、好微細嘅一粒塵咋」。辯方指事主在殘廁內可以咬緊牙關避開被告，她反指若當時有反抗的勇氣，便已報案，「唔使忍氣吞聲咁耐呀」。她在庭上情緒激動，至下午開庭時更嘔吐；暫委法官勞潔儀遂將案件押後明天續審。
X在盤問下稱有明示拒往殘廁
辯方大律師鄭明斌今續盤問女事主X，提到2022年6月23日凌晨、X在聯和墟街市熟食中心第3次遭被告陸振中（43歲）拍醒。X稱她當時揮手表示不想去廁所，又稱「我當刻唔識去處理，我又唔敢反抗，被告又咁大隻」、「如果我有能力嘅話，我已經揾左我男朋友嚟接我啦」。
CCTV片示被告說話 X即時反應站起聽吩咐
辯方續播放閉路電視片段，指X被拍醒後站立。X稱因為上級在說話，「我當刻即時反應就係企起身」，同場督察蔡文浩亦立即站立「睇下阿Sir有咩吩咐指示」。
X哭訴被告於沙頭角分區內權力大如「山寨王」
X重申自己有明確表達不願去廁所，並在庭上哭泣，稱被告是警司，「佢嘅權力，你知唔知係幾咁大呀？喺一個沙頭角分區裡面，佢可以話係山寨王呀，我只係一個好微細、好微細嘅一粒塵咋」、「我可以點呀？你不如教我？」、「我係一個女仔嚟㗎咋，雖然我係一個警察……」
相關新聞：
警司陸振中涉逼女下屬口交 辯方質疑X自己張開嘴 抑或被告下體「力道撩得開你個口」
警司陸振中涉殘廁內逼女下屬口交 事主供稱陸曾表白並指：難得走埋一齊係緣分
前沙頭角分區指揮官陸振中涉非禮女下屬 女事主供稱三度遭陸強行拉入殘廁摸胸逼口交
稱被告用下體「夾硬挃」入她口中
辯方續問及，X第3次被帶入殘廁後發生甚麽事。X稱被告按着她的頭，令她的嘴「掂」到下體。辯方反問「會自動打開你個口？」X稱當時身體軟弱無力，「夾硬挃，其實會挃得到落去」、「強姦啲人都係夾硬令受害人陰部撕裂啦」。
「重複又重複做啲膽大包天嘅行為」
辯方又質疑X「可以咬實你棚牙㗎嘛」，如果咬緊牙關，被告下體便不會進入到X口腔內。X供稱「其實佢咁大隻，我會俾佢打死」，當時被告已經「攬實」她和用手「㩒實」她頭部「重複又重複做啲膽大包天嘅行為」。
稱與拍拖4年守身如玉
X又指如果她有反抗一名警司的勇氣，「我當日即刻已經報案啦，我唔使忍氣吞聲咁耐呀」、「我可以做咩呀？我孤立無援」；X稱「我同我男朋友一齊4年，我都守身如玉」，重申自己案發時「冇一刻係情願」。
案件編號：DCCC137/2023
法庭記者：王仁昌
