晨光追擊│「浪漫勇士」蓄勢待發
更新時間：13:37 2024-11-14
發佈時間：13:37 2024-11-14
發佈時間：13:37 2024-11-14
字體大小
今天因打風未有晨操，所以回顧番周二出跳馬情況，當日有不少戰馬出跳，也不乏勇馬。現將所見報道如下：
「共享富裕」拍「富裕君子」跳兩段，同樣戴頭罩及助手試，前駒吸引得多，輕鬆已跳出快時間，衝刺急勁火力充裕，狀態比前再進一步；後駒尚算肯走，不過老毛病都係無改善，就係唔肯轉腳，而且馬身唔夠飽滿。「浪漫勇士」助手拍「南莊堡」草地跳三段，從容追上佔取上風，健步如飛渾身是勁，目光銳利展現氣勢，馬王雄風猶在，蓄勢待發。
「非凡達」助手拍「維港智能」梁家俊草地跳三段，前駒拍住高班馬不落下風，神態生猛有火有力，走勢硬朗急勁，佳態保持有餘；後駒戴面箍，長韁按住神態活躍，馬身已收靚毛色油潤，八、九成水準。「長勝威龍」湯普新拍「武林至尊」跳兩段，快開看似起勁，實則仲係郁身郁勢，情緒不是太好，慢熱馬徘徊不前。
快狠準予人好感
「運來勇士」助手跳兩段，一貫伸長馬頸唔太好睇，外觀對辦馬身壯碩飽滿，出腳力度亦唔錯，轉倉操足具備爭勝水準。「快狠準」艾兆禮拍「賢者無敵」霍宏聲草地跳兩段，前駒戴眼罩，單薄馬唞夠身養壯，步伐穩健力度唔差，埋門火氣不斷冒升，甚有好感；後駒展步尚算流暢，外觀亦無問題，不過氣勢平平欠缺銳利感，比起最佳時候差好遠。
「快狠準」艾兆禮拍「賢者無敵」霍宏聲草地跳兩段，前駒步伐穩健力度唔差，埋門火氣不斷冒升，甚有好感。
「金發銀發」戴頭罩由助手跳兩段，平平淡淡走過，火力俱弱，神色好淡，正值低潮之馬，未有起色。「自然力量」助手拍「你知我得」跳兩段，狀態好唔好相當易睇，欠缺銳利唔肯走，今課肯走且夠主動，火氣回復旺盛，老馬有轉機。
「豐辰」戴頭罩由巴度跳兩段，力度不斷增強，不過仍搶口，頭岳高毛病未改善，試閘看似出色實則甚急口。「論文」戴頭罩由助手跳一段，按韁順勢走過，馬身收得夠實淨，不過毛色好淡唔靚，好感欠奉。「勁騷」戴頭罩由助手跳兩段，順住走，仲係急少少，馬頭兩頭擺，馬身收得唔算靚，有待打磨。
兆文
