晨光追擊│「快馬加鞭」「精英雄心」

更新時間：16:00 2024-12-17
發佈時間：16:00 2024-12-17

近一兩年升正的新練馬師甚有水準，新近開倉的游達榮肯定有料，加上有外型亦夠後生，馬會相信會大力培育。而廖康銘今季亦是雄心萬丈，部署巧妙非刻板非一面倒熱門，百貨應百客，馬迷亦多一種選擇。

第一場第四班一二○○米：「快馬加鞭」原本由丁冠豪訓練，成績欠奉惟有轉倉，上季三月中加盟巫廄，當時操足而戰即有驚喜，轉倉首戰即於谷草千二拼獲亞軍。奇怪的是接戰於田草有飛無影，跟手依然唔跑番首次上名谷草千二的水準，卻再次變陣轉戰泥地，果然巫偉傑判斷正確，終於順利贏馬，更有十四倍好分頭。

「快馬加鞭」今季四十分起步，三仗都跑四班而所負不遠，也因此去到前仗才獲減一分，上仗三十九分要出戰五班，輸四個馬位看似失望，實則是對手「星火燎原」突飛猛進，所以毋須介意。上仗賽後「快馬加鞭」再獲減一分有賺無蝕，今次對番上仗亞軍「逆市奇爸」形勢已有不同，今次只要發揮出應有水準，有力贏得今季首場頭馬。

「快馬加鞭」今次只要發揮出應有水準，有力贏得今季首場頭馬。

精英雄心有優勢

第八場第三班一六五○米：「精英雄心」上季尾在泥地展現非凡實力，今季初出即受追捧，可惜只得一席第三名，主因是縮程跑千二路短。前仗此駒回師一哩，捧到十六蚊相當誇張，結果只跑第五名，賽後檢討排內檔反而累事，因早段不欲失去有利跑線而跟前，而且轉彎已心急發力，以致後勁削弱，輸在發揮。馬房之後安排「精英雄心」報跑谷草一哩，卻因打風取消賽事，然而幕後未有用特別保護權安排馬匹再跑翌周谷草同程，寧願留力今月一號跑番泥地一哩，更重要換上擅騎後上馬的布文，結果順利補中。

「精英雄心」乃泥地怪傑，仍戰三班必有着數，今戰因分區上限增至八十五分，比起上仗更孭輕兩磅，優勢進一步增加。