晨光追擊│「盈益善」人強馬壯

更新時間：16:33 2024-12-21
發佈時間：16:33 2024-12-21

對比起黎昭昇，又或之前好多頂級練馬師，廖康銘明顯無咁大名氣，誰不知上季開倉成績唔差，來到今季更躋身前列，最顯著改變是上季好少連捷馬，今季已經出現了多匹，而且弗馬大多可保持好長時間。

超風速再贏一場

第四場第四班一四○○米：「超風速」今季進步起飛，首戰跑千二後上第四，翌仗改攻同程，變陣搶前爆出二十一蚊冷W。一睇再睇，該仗此駒的表現相當出色，除了亞軍「保羅傳奇」落後個半馬位，其餘三至七名「相映紅」、「奔妙星」、「綠族威」及「加州活力」全部輸遠。查上述馬匹之後都能交出好成績，而「超風速」更跑出一分二十一秒五二時，貼近同日三班頭馬「堅又威」，另快過四班贏同程的「智智多寶」，當中「堅又威」翌仗升班連捷。

「超風速」上仗跑第二，頭一千締速五十八秒二九，不止快過同日另一組四班五十八秒九二，亦比起當日三班賽五十九秒零六快，「超風速」擺明放得太急以致最後力弱，吸取教訓今戰留放必做到最好，有力再贏一場。

「超風速」吸取教訓後，今戰留放必做到最好，有力再贏一場。

盈益善不勝無歸

第六場第四班二○○○米：「盈益善」今季加盟游達榮馬房表現出色，先後跑過四仗累積一冠一亞兩季全部入圍。首戰入Q輸五又四分三馬位看似威脅不大，不過一直落後極遠，而且入到直路受困，能夠望空下衝刺如箭，交出12-11-11-2走位，難度好高。接戰「盈益善」增程跑谷草千八，彈甩大熱門「符號」兩個身位補中，姿態輕鬆人人見到。至於前仗再增強跑二千，既孭頂磅尚要轉場，保住季軍已算出色。

「盈益善」上仗繼續增程跑二千二米，因應八檔起步加上步速形勢，沿途被頂出三疊十分蝕底，加上繼續孭頂磅出戰，只輸半身位實在極揪，今次仍戰四班有賺無蝕，仲要強配用到麥道朗，人強馬壯，今仗不勝無歸。