晨光追擊│「友愛心得」火氣噴噴
更新時間：16:49 2024-12-20
發佈時間：16:49 2024-12-20
發佈時間：16:49 2024-12-20
字體大小
今朝出跳馬不算多，幸好有希斯及游達榮撐場，其中後者更派出「本領輝煌」彈泥閘。現將所見報道如下：
「盈益善」戴頭罩由助手跳兩段，長途馬懶性重唔介意，最重要係外觀靚到爆，馬身收得好靚，落腳輕快，勁力充沛。「亞福得寶」戴頭罩由助手跳三段，試來懶性大減，而且越見輕身，勝後狀態更進一步。
「友愛心得」戴頭罩由潘頓跳一段，暗力拉實火氣噴噴，步幅開得闊，馬身收得更靚更實淨，狀態不斷轉好之馬，進度出色。「肯佩斯」助手跳兩段，再無縮耳，試來極之集中，出腳開揚力度充沛，深色灰馬毛色悅目，正值勇境。
金鑽精靈進度理想
「金鑽精靈」馬身收得實淨，最近試閘一再表現唔差，進度理想。
「金鑽精靈」希威森拍伴跳馬跳一段，表現乖巧，也未見搶口，馬身收得實淨，最近試閘一再表現唔差，進度理想。「八仟財陞」戴眼罩由副練跳兩段，一貫有懶性，論態相當不俗，走勢硬淨，出腳力度甚勁。
「球皇」戴頭罩由湯普新跳一段依舊有點搶口，韁口甚敏感，步重力度未夠，慢熱馬未得住。「同心同樂」戴頭罩由助手跳一段，步姿仍帶點生硬，身也可再收靚啲，不過台型極佳，之前試閘係咁意就跑得接近。
「環球英雄」戴頭罩由貝知仁跳一段，口勁無咁重，試得淡定之餘，走規亦有改善，不過力度仲係未夠。「精彩勇士」戴頭罩由助手跳一段，試來墜手火氣不俗，神態對辦，保養得宜。
「本領輝煌」希威森拍「光輝歲月」泥閘跳一段，起步應聲彈出，出腳力度比前更充沛，神態活躍朝氣勃勃。「運來伍寶」戴頭罩由助手跳兩段，落腳爽又夠主動，充滿了朝氣，狀態前所未見咁好。「拚搏」艾道拿跳兩段，落腳重之餘，且帶點拖泥帶水，馬身有點肥哋，有個肚腩仔，欠缺好感。
兆文
最Hit
劉德華「舊愛」現身睇演唱會坐頭排搶鏡 「舊情人」與朱麗蒨母女同框零交流？
2024-12-20 18:30
63歲劉德華開足72場演唱會 凍齡不老6大秘訣！長年不喝1飲品 早餐吃這些
2024-12-20 13:09
梁醒波二女86歲文蘭罕現身！樣貌與爸爸倒模一樣 打扮時髦穿花print上衣精神極佳
2024-12-19 09:00
