晨光追擊│「小飛俠」越長越好
更新時間：16:00 2025-02-25 HKT
發佈時間：13:12 2025-02-25 HKT
發佈時間：13:12 2025-02-25 HKT
字體大小
過往跑馬地百萬挑戰盃煞科戰出馬踴躍，然而明晚卻出現冷場，無他的！自從自購馬增設特別獎金之後，這項盃賽獎金已變得可有可無，仲要賽期長達五個月，馬主同練馬師失去耐性絕對情有可原。
小飛俠增程再戰
「小飛俠」氣量充沛路程越長越好，增程有好無壞。
第二場第四班二二○○米。「小飛俠」上季三歲已差點在田草千八建功，該仗初跑該路程，快步速全程走第二位並非有利，最後僅以馬頸位不敵唔簡單。接戰扳到潘頓捧到二十一蚊，可是質新馬尚未踏上穩定期，縱使發揮無錯且步速有利只跑梗頸四。
一如大多蔡廄質新馬，「小飛俠」今季一早復課卻遲遲才上陣，首戰跑一哩路短熱身，上仗出戰谷草千八飛數冷落繼續試兵，難得遇超快步速跟前不利仍跑得接近。上仗「小飛俠」改攻田草二千啱跑，遇上「銀皇興標」搞搞震以致放得快，仍能頂到尾打開勝門，而且亞軍「發財秘笈」接戰補中水準極高。「小飛俠」仍在四班出戰好着數，氣量充沛路程越長越好，增程有好無壞。
電訊巴打三班佔優
「電訊巴打」再次落到三班，同場快馬不多，形勢大好！
第三場第三班一六五○米：「電訊巴打」的確值得尊重，上仗之前連敗三仗，落敗距離仲要次次唔少，以為八歲馬實力退化，難以再交出好成績，誰不知上仗突然回勇，殺入一席亞軍，只以四分三位不敵於「一先生」，而擊退季內贏過牠的「喜蓮勇感」同「智取神駒」。
睇一睇「電訊巴打」評分，上仗跌至八十四分，是二一年十月打後的新低位，再看季初評九十分曾殺一席大冷披，縱使戰力有點下滑，但爛船尚且有三斤釘，足以在二班谷草一哩進佔一席。賽後只加一分，目前八十五分依然佔優，今次更得以落到三班，也是繼二一年六月二十三日後再次落到三班，更利好是同場快馬不多，形勢大好！
兆文
