沙田早晨│鄭俊偉破悶局靠晒佢
更新時間：17:20 2025-03-20 HKT
發佈時間：17:20 2025-03-20 HKT
發佈時間：17:20 2025-03-20 HKT
字體大小
鄭俊偉踏入二五年手風一般，只贏一場頭馬，仲要二、三月慘交白卷；決意打破悶局，近期積極好多，時常騰出騰入。今朝「風繼續吹」出跳更特別緊張，課前已現身機坪主持大局，三番四次向鞍上人教路，之後操罷又到機坪接馬，又一次同鞍上人傾談，向後者問長問短。
「同得威」騎練傾過唔停
「同得威」是上季新馬翹楚，照計今季可更進一步，是丁廄搶分籌碼。事實上，大半季過後仍未贏馬，甚至未曾躋身三甲，今次首度扳上千六，能否試出彩虹要跑過至知。不過今朝拍跳淡淡定快慢由人，而周俊樂亦好滿意一再拍馬頸，之後落馬並同丁冠豪傾了好長時間。
「同得威」 (外) 今朝拍跳淡淡定快慢由人，而周俊樂亦好滿意一再拍馬頸，之後落馬並同丁冠豪傾了好長時間。
「吉祥寶」輝哥關照金仔
奧爾民交出兩W，已獲延長牌照至季尾，麥當能也憑「樂捉鳥」攞到在港首場頭馬，金誠剛卻仍未有突破，暫時只取得一亞三季，表現不算太突出。然而今戰有匹「吉祥寶」未許輕視，事關今朝金仔出試落足心機，課後姚本輝更趕落隧道底接馬，擺出一副搏殺格局。
