遊日失禮事件｜余德丞遊日又失禮人？ 網民怒批5宗罪：咁唔尊重別人文化，做咩去

前無綫藝人余德丞自去年離巢無綫後，近日轉戰YouTuber，經常遊走本地及世界各地，介紹吃喝玩樂，但口碑似乎不算好，更因直腸直肚性格，以至頻頻出事。繼去年因試食某家本地平民扒房，於片中直言食物難吃，被老闆告上法庭後，最近又與YouTube頻道「9bothew 膠保廢」一眾主持，趁櫻花季暢遊日本賞花兼大歎魚生，結果又因態度問題，與其餘主持一同惹來網民抨擊，並被列出其5大罪狀，直言：「咁唔尊重別人文化，做咩去呢！」即刻看看余德丞今次又怎樣惹禍！

余德丞遊日第1宗罪｜只顧拍攝唔叫食物

眾人因網民推介，來到東京秋葉原一家以抵食大碗魚生丼稱著的店鋪用午餐，眾人欵似只顧拍攝及介紹餐牌，久久未點餐，惹來老闆過來問他們是否會點餐？ 他們大感愕然，即點頭說：「Eat! Eat! Eat!」他們先點了一個巨大魚生丼，老闆此即時行開了，正當他們想追加食物時，聽到廚房傳來擲碗碟聲，眾人驚呆並稱老闆：「燥底喎。」

曾經來過日本拍攝的主持阿保，似乎對此不意外，更稱：「日本係咁㗎啦，嚟日本拍攝我預咗啦。」繼而大呻以往在日本拍攝的不快遭遇，「以前嚟日本喺店鋪影張相都俾人X，啲老闆一般都不喜歡你拍攝。」稱遊客區會好點，若離開遊區拍攝 ，會被人即刻趕走，故稱向來不喜歡來日本拍攝，另一主持阿廢回應：「係日本職人文化影響。」期間一直沒出聲的余德丞聽完也跟着笑，阿保稱他也尊重他們，「只係我唔鍾意啫。」

對此，有網民便批他們不尊別人文化，令人看到都尴尬，「其實你地入店即刻叫野，我諗人地唔會咁樣專登過嚟問你地嘅，既然咁唔尊重別人文化呢，做咩去呢！」，「唔好用香港個套拍攝方式用落去其他國家到，今集我睇完都尴尬」

余德丞遊日第2宗罪｜4人只叫2碗飯

眾人先點了一個巨大魚生丼後，然後再加追了1個中拖羅丼，如此4人只點選2個餐，懷欵因此再惹來老闆不滿，在他們剛食完撩牙時，發現店內已熄掉冷氣，「完全想趕我地走喎。」雖然對此有點不滿，但各人還是大讚這裏的魚生丼極抵食，一碗中拖羅丼只需港幣75，「只計魚生塊數都贏了」，余德丞也稱若在香港應要200多港元，而且材料新鮮，唯一是部分吞拿魚有筋，余德丞還嫌一樣不足：「通常食吞拿魚蓉飯會加很多蔥，但佢好少蔥。」直腸直肚的他更稱如在香港吃一碗200多港元的吞拿魚蓉飯，應該不會吃到有筋，也彈這裏的飯不夠香。然後他又替食店擔心，稱中午食飯時間店內都只有他們一枱客，後來才發現真相，店內沒客人原是食物已售罄了。

對於他們4人只叫2碗飯的做法，再惹來網民怒轟丟架，「4個人去人哋餐廳度食飯，要去到4個人分2碗飯真係好核突，就算真係食唔落，都起碼嗌杯嘢，唔好齋坐ar，老實一句真係好丟架」，「去過日本幾百次都未遇過態度差既店，明顯就係你四友條叫2個飯，四條友又嬉皮笑臉咁係度玩，好心就唔好失禮人啦」，有網民更指出在日本需要1人點1份餐的原因，「我早2星期前去日本， 聽食店職員說晚市每客必定需点一份餐， 因近一年食料加完又加， 已升20多％, 做生意都一定壓力， 大家都理解的。」

余德丞遊日第3宗罪｜周街撩牙

各人用過餐，走出餐廳再作補充介紹時，看得到余德丞還咬着牙籤撩牙，對此也有網民稱他破壞形象，「余生，你之前都官仔骨骨感覺有修養，呢條片撩牙、抹鼻⋯⋯不修編副（邊幅）破壞晒型象」，「做齊哂日本人最憎既野」。

余德丞遊日第4宗罪｜睇花變睇女

餐後各人繼續往新宿御苑賞櫻花，期間余德丞周圍看，更興奮稱：「周圍好多日本靚女喎。」，阿保則稱：「好似阿婆多喎。」看見穿短裙的女孩也忍不住嘩聲大叫，二人行為又惹來網民不滿，「去到睇櫻花嗰度我真係完全睇唔落眼，明明嗰邊係旅遊勝地，專畀人睇花，Dickson就走去影女，又冇經人哋同意..又要特登走去近距離聞人哋啲花，真係不能接受，連基本尊重，禮貌都冇」

余德丞遊日第5宗罪｜對途人指手劃腳

余德丞及阿保賞花期間，邊行邊對花下的人評頭品足，其中一幕更走近一位男途人身後，並指着其肩膀並放大，然而取笑他多頭皮：「哩度都落雪喎。」似舉當然又惹來網民一番說冇家教，「麻煩去人地國家唔好再做埋d失禮野，影衰曬香港人」

也有網民力撐：有個句講個句

雖然如此，余德丞及眾主持的「衰格」行為，也有網民撐的，如「其實佢地一向都行開衰格路綫，係香港就覺得幾好笑，又幾好睇，但去到人地既地方, 就真係尊重返人地文化好D」，「鐘意睇你哋片！支持！不同文化當然有衝突，你哋都有耐性跟隨，嗰網友得把口要求人完美融入他人文化，佢哋自己都未必做到」，「支持9bothew平時夠坦誠，有個句講個句，唔好食/貴就Ｘ。 但今次講老細個part 就有少少over左，聽落去有d 小氣，希望下次注意一下」。

圖片來源：YouTube@9bothew 膠保廢、IG@yuduck、星島圖片庫

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！

立即報料: [https://bit.ly/3IMunqd](https://bit.ly/3IMunqd)

你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：[https://bit.ly/3yLrgYZ](https://bit.ly/3yLrgYZ)