港人北上熱潮減退？網民列深圳3大「死症」：XX比香港賣得貴 惟本地居民出境數字仍高企
發佈時間：16:43 2025-02-17 HKT
近年香港掀起一股「北上消費熱潮」，不少港人趁週末或假期到深圳吃喝玩樂，甚至湧入超市掃貨。然而，近日有連登討論區網民以「北上熱潮開始減退」為題發帖，直指深圳有 3 大「死症」，引發熱議。
港男狠批深圳3大「死症」 商場無新意／餐廳過多
點擊睇港男托深圳3大「死症」：
該帖文指出，去年年底開始，不少 YouTuber 已轉為介紹高鐵沿線城市，認為深圳適合港人玩樂的地方有限，加上物價上漲、商場千篇一律等問題，導致北上熱潮逐漸冷卻。網民指深圳雖然有不少新商場，但「餐廳太多，冇其他野（嘢）行」，且大品牌店舖較少，價格甚至比香港更貴。他認為，除了福田和南山一帶較為現代化，其他地區仍保留「舊式大陸 feel」，未必適合港人。此外，他提到早前爆紅的山姆超市已無人再提，除了北區居民會頻繁北上買餸，普遍港人北上的頻率已下降不少。
帖文引發網民熱烈討論，不少人認同深圳商場「千篇一律」，缺乏新意。有網民留言指：「上面每個大商場都係差唔多，行得多都係食食食，行街又冇咩好行。」亦有網民批評深圳物價上漲，直言：「一見有得賺就加價，加完計返交通費用時間同香港差唔多，做咩要花時間同人迫同排隊？」不少網民認為兩地物價差距已逐漸收窄，「搭車上去已經曬幾百蚊，平乜？」、「2 條友一來一回 1 舊（嚿）水，食野平左又變相食貴價野 3 百幾，整個甲又 2 百幾，夾下公仔定掃下街又一舊，結果計埋一日都使 8 舊（嚿）港紙，有平到咩？」
港人北上消費由「熱潮」變「習慣」？
雖然有網民認為北上熱潮減退，但亦有人反駁指，北上消費已由「熱潮」變成「習慣」。有網民分享：「我父母一兩年前仲好抗拒番大陸，話驚治安唔好，到佢地同朋友上完一兩次，而家個個月都上去食飯。」亦有網民表示，北上按摩、食飯仍然吸引，「計埋交通，點都平過香港」。
不過，有網民指出，北上消費的吸引力主要在於「食」，但長期下來難免感到厭倦。「返大陸都係得個食字，幾好服務幾好食，你食得多都厭啦。」此外，有網民認為港人「三分鐘熱度」，加上住得遠的市民車程時間長，北上意欲自然下降。
出入境數字驚人 「無人講唔代表無人去」
有網民認為，北上熱潮並未完全消退，只是變得低調，「無人講唔代表無人上去，個個禮拜一車車人咁上去」。翻查資料，去年全年經深圳各口岸北上的港人逾 7700 萬人次，剛過去的農曆新年，長假期最後一日有超過 42.3 萬本地居民經深圳各口岸入境，數字依然高企。
資料來源：連登討論區
同場加映：深圳好去處2025｜75大深圳一日遊推介！最新商場/美食餐廳/超市街市/室內親子玩樂 福田/蓮塘/深圳灣地鐵沿線
