Juicy叮｜外籍遊客搭的士遺背囊險失重要公仔 好心司機物歸原主獲好報
發佈時間：17:41 2023-01-01
珍貴的物品可以失而復得，是一件令人感恩的事。有的士司機接載一對外籍父子前往梅窩後，發現兩人遺下一個背囊在車廂內，袋內則放有一個公仔。他最終成功尋回失主，並得知公仔的背後故事，而該名好心的司機最後獲得好報。
該名司機周五(30日)在facebook群組「的士司機資訊網 Taxi」發文指，當日接載一對外籍父子前往梅窩，並在兩人下車後發現他們遺漏一個「背囊仔」。他隨即打開背包試圖尋找客人的聯絡資料，但發現「入面乜都無，得一個公仔」，只好將背包放在一旁並繼續做生意。在數小時後，他致電的士電召台詢問「有冇人搵過背囊」，獲告知有客人已經「搵咗3次」。
請點擊組圖瀏覽：
其後，該名客人致電司機，而樓主則承諾會將背包送到酒店門口。樓主與失主碰面後，得知對方一家三口到香港遊玩2星期，而當日正是他們最後一日留港，並再次請求司機接載他們前往機場。對方在下車後直接給予500元，並與樓主握手，「因為原來個公仔係個小朋友出世已經喺身邊，一直陪佢周圍去，已經6歲，唔怪得個小朋友一見番個公仔開心到咁。」樓主隨後提醒該名小朋友「以後要攬實啲」，而對方則指自己「上咗一課，以後都會記得」。樓主隨後又補充指，「東涌去機場4件行李，大細錶加埋80幾囉，我原本攞番畀佢都無諗住收佢錢」。
相關新聞：
Juicy叮｜的哥分享熱血故事 輪椅小子自強不息網友淚目：https://bit.ly/3Ce3QP3
Juicy叮｜的哥自揭聖誕送海鮮外賣賺$350 網民質疑犯法：https://bit.ly/3Gsn2tR
Juicy叮｜的士尾箱竟伸出鐵臂 網民戲稱垂直升降美軍正使用：https://bit.ly/3Q5kPZo
相關帖文隨後引起熱議，並有不少人稱讚樓主，又指「錢都係其次，幫到人時自己都會覺得快樂」、「好人好報。公仔一出世就陪伴著小朋友成長，對小朋友真係好重要，小朋友會視公仔為最好朋友。司機哥哥，你真係好好人」、「好人好報，香港的士大哥的好榜樣」、「其實唔係錢問題，係做咗好事心安！」、「香港仲係有好多好人嘅的士司機」、「値得嘉許的士司機」等。
帖文來源：「的士司機資訊網 Taxi」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
