Juicy叮｜西裝男欲搭紅的由上水往粉嶺 司機拒載惹議
發佈時間：17:18 2023-01-03
的士拒載問題時有發生。上水火車站一名身穿西裝的男乘客登上一輛市區的士後，要求前往粉錦公路，被司機拒絕並要求他轉乘新界的士。
有司機日前在Facebook群組「的士司機資訊網」發文，並指「上水火車站，除夕夜，紅的師兄記得鎖門，大量x頭拉門，綠的冇車拉紅的門」，並指「片主排咗個幾鐘」。樓主又上傳一段長約30秒的短片，在片中可見，在的士後座有一名穿上西裝的男乘客，並詢問「唔上得啊？」司機則回答指，「唔係，個個咁樣我咪好唔得閒？」。乘客表示「我點知佢哋戇居點解唔排（紅色的士）」，司機則反駁指，「唔係咁樣計㗎先生，呢架話明市區的士嚟㗎嘛，新界的士㗎嘛嗰度」。
請點擊組圖瀏覽：
乘客隨即反問「市區的士唔行去粉嶺公路㗎咩？」，司機聞言後無奈地表示，「你咁樣唔同你搞，大佬，唉」。乘客則指，「吓，你有無搞錯啊？」，司機隨即回答指，「唔係我搞錯，係你搞錯啊大佬！係你搞錯唔係我搞錯啊！」男乘客即指，「真係好笑」。司機則續指，「大佬，人哋排咗個幾兩個鐘頭喇，你咁樣跳上嚟話去粉錦公路，你睇下人哋，綠的排晒隊」。乘客則指，「排晒隊還排晒隊」。片段到此結束，亦未有交代後續發展。
相關新聞：
Juicy叮｜外籍遊客搭的士遺背囊險失重要公仔 好心司機物歸原主獲好報：https://bit.ly/3GzTs6E
Juicy叮｜的哥分享熱血故事 輪椅小子自強不息網友淚目：https://bit.ly/3Ce3QP3
Juicy叮｜的哥自揭聖誕送海鮮外賣賺$350 網民質疑犯法：https://bit.ly/3Gsn2tR
相關帖文隨即引起熱議，網民的反應兩極。有人認為司機沒有做錯，並指「此人正是香港之恥，規矩便是規矩，阻人衣食猶如殺人父母」、「極度賤格的自私的乘客」、「擺明唔想排隊」、「西裝佬，衣冠禽獸」、「師兄唔夠經驗，大時大節一定唔會走嚟依個鬼地方排隊等客」等。另有人則支持該名男乘客，並指「揸住個牌，又唔肯做牌照要求，就係你呢啲人」、「點解搞到人哋搵食？ 人哋冇畀車錢嗎？做得紅的唔好嫌長嫌短」、「法理係的士輸晒」、「唔知由幾時開始 啲司機變相佢哋覺得呢個係法例， 其實個客係啱㗎噃」、「最終一定係講法例，法例上個客冇錯」、「個客而家是用錢（較貴的紅的）去買時間！有何不可！絕對合情合理！」等。
帖文來源：「的士司機資訊網」
根據運輸署網頁資料，本港有三類的士，各有不同的經營範圍。市區的士 (紅色的士) 可在香港任何地區行走 (東涌道及南大嶼山的道路除外)。新界的士（綠色的士）可在指定地區行走，包括屯門區、元朗區、大埔區、北區、馬鞍山區、西貢區大部分地方 (將軍澳新市鎮除外)、落馬洲管制站 (晚上11時至翌日早上6時半)、落馬洲支線公共運輸交匯處及深圳灣口岸港方口岸區。大嶼山的士（藍色的士）則只限大嶼山、赤鱲角及港珠澳大橋香港口岸公共運輸交匯處行走。
另外，根據《道路交通(公共服務車輛)規例》，的士司機如無合理辯解，不得故意拒絕或忽略接受租用人的租用，不論該租用人的意圖是以明顯或默示方式表示的；拒絕或忽略駕駛該的士至租用人指示的任何地方。任何人如違反有關法例，一經定罪，可處罰款10,000元及監禁6個月。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
